പോർട്ട് ബൈറൂത്തിലെ സ്ഫോടനത്തിൽ കൊല്ലപ്പെട്ടവരുടെ കുടുംബങ്ങളെ സഹായിക്കുന്നതിനായി യു.എ.ഇയിൽ ആരംഭിച്ച അന്താരാഷ്ട്ര അടിയന്തര സഹായ ക്യാമ്പയിൻ സലാം ബൈറൂത് കുടിയേറ്റ തൊഴിലാളികളെ തിരിച്ചയക്കുന്നതിന് ഒരുലക്ഷം യു.എസ് ഡോളർ അനുവദിച്ചു. ലബനാൻ തലസ്ഥാനത്ത് താമസ സ്ഥലവും ഭക്ഷണവുമില്ലാതെ കഴിയുന്ന തൊഴിലാളികൾക്കാണ് സഹായം എത്തിക്കുക .
കോവിഡ് വ്യാപനം തുടരുന്ന സാഹചര്യത്തില് നഴ്സറികളില് പഠനം ആരംഭിക്കുന്നതിന് കൂടുതല് നിര്ദേശങ്ങളുമായി ദുബായ് നോളജ് ആന്ഡ് ഹ്യൂമന് ഡെവലപ്മെന്റ് അതോറിറ്റി (കെ.എച്ച്.ഡി.എ). അധ്യാപകരും ജീവനക്കാരും നിര്ബന്ധമായും കോവിഡ് പരിശോധനക്ക് ഹാജരായിരിക്കണമെന്ന് നിര്ദേശമുണ്ട്.
ആരോഗ്യ രംഗം വെല്ലുവിളികളോടെ മുന്നേറുമ്പോള് നാലു ദിവസം സൗജന്യ ഫിറ്റ്നസ് സൗകര്യമൊരുക്കി ദുബായ്. സെപ്തംബര് 17 മുതല് 20 വരെയാണ് ഫിറ്റ്നസ് വ്യവസായ മേഖലയുടെ സഹകരണത്തോടെയുള്ള ഫിറ്റ്നസ് ഫോര് എവരിബഡി കാമ്പയിന് ആരംഭിക്കുന്നത്.
കുവൈത്ത് ആരോഗ്യമന്ത്രാലയം ഡോക്ടര്മാര്, നഴ്സുമാര്, ടെക്നീഷ്യന്മാര്, ഹെല്ത്ത് ഇന്സ്പെക്ടര്മാര് ഉള്പ്പെടെ ആരോഗ്യപ്രവര്ത്തകര്ക്ക് പുതിയ ക്വാറന്റീന് മാര്ഗരേഖ ഇറക്കാന് സാധ്യത.
ദുബായ് മെട്രോയുടെ പതിനൊന്നാം വാര്ഷികത്തോടനുബന്ധിച്ച് പുതിയ എക്സ്പോ മെട്രോ സ്റ്റേഷനില് ദുബായ് കിരീടാവകാശിയും എക്സിക്യൂട്ടീവ് കൗണ്സില് ചെയര്മാനുമായ ഹിസ് ഹൈനസ് ഷെയ്ക്ക് ഹംദാന് ബിന് മുഹമ്മദ് ബിന് റാഷിദ് അല് മക്തൂം എത്തി.എക്സ്പോയുടെ ഭാഗമായി നടന്ന യോഗത്തിലും ഹംദാന് പങ്കെടുത്തു.
അബുദാബിയിൽ റോഡ് സുരക്ഷാ നിയമങ്ങൾ ലംഘിക്കുന്ന വാഹനങ്ങൾ കസ്റ്റഡിയിൽ കണ്ടുകെട്ടുന്നതിനും പിഴ ചുമത്തുന്നതിനും പൊലീസ് പുതിയ ചട്ടങ്ങൾ പ്രഖ്യാപിച്ചു. പൊലീസ് വാഹനങ്ങളുമായി കൂട്ടിയിടിച്ച് കേടുപാടുണ്ടാക്കുകയും, റോഡിൽ മത്സരയോട്ടം നടത്തുകയും, സാധുവായ ലൈസൻസ് പ്ലേറ്റ് ഘടിപ്പിക്കാതെ വാഹനം തെരുവിലിറക്കുകയും ചെയ്യുന്ന ഡ്രൈവർമാർക്കെതിരെ 50,000 ദിർഹം (പത്തു ലക്ഷം )വരെ പിഴ ചുമത്തും.
കോവിഡ് മാനദണ്ഡങ്ങൾ പാലിച്ച് സൗദി എയർലൈൻസ് വഴി സഞ്ചരിക്കാനുള്ള രാജ്യങ്ങളുടെ പട്ടികയിൽ ഇന്ത്യയും സൗദിയും ഇടം പിടിച്ചു. നേരത്തെ പ്രഖ്യാപിച്ച 25 രാജ്യങ്ങളുടെ പട്ടികയിൽ ഇന്ത്യയും പാകിസ്ഥാനും ഉൾപ്പെട്ടിരുന്നില്ല. പുതിയ ലിസ്റ്റിൽ ഇരു രാജ്യങ്ങളും ഉൾപ്പെടെ 30 രാജ്യങ്ങൾ ഇടം പിടിച്ചിട്ടുണ്ട് .
യു.എ.ഇ യിലെ ആശുപത്രികളില് കോവിഡ് 19 പരിശോധന നിരക്ക് കുറച്ചു. പരമാവധി 250 ദിര്ഹം മാത്രമെ പരിശോധന ഫീസ് ആയി ഈടാക്കാവൂ എന്ന് അബുദാബി ആരോഗ്യ വകുപ്പ് വ്യക്തമാക്കി.നേരത്ത ഇത് 370 ദിര്ഹം ആയിരുന്നു. രോഗലക്ഷണങ്ങള് പ്രകടമാകാതെ സുരക്ഷ ഉറപ്പാക്കാനായി പരിശോധന നടത്തുന്നവരില് നിന്നുമാണ് ഈ തുക ഈടാക്കുക. എന്നാല് രോഗ ലക്ഷണങ്ങള് പ്രകടമാകുകയും വൈറസ് ബാധിച്ചതായി സംശയിക്കുകയും ചെയ്യുന്നവരുടെ പരിശോധന സൗജന്യമായി തുടരും.വി.പി.എസ് ഹെല്ത്ത് കെയറിന്റെ കീഴിലുള്ള 12 ആശുപത്രികളിലും ക്ലിനിക്കുകളിലുമായി കോവിഡ് പി.സി.ആര് പരിശോധനയ്ക്ക് 200 ദിര്ഹമാണ് ഈടാക്കുന്നതെന്ന് ആശുപത്രി അധികൃതര് വ്യക്തമാക്കി.
കോവിഡ് നിയന്ത്രണങ്ങളില് ഇളവ് പ്രഖ്യാപിക്കുകയാണെങ്കില് യു.എ.ഇ യുടെ ഏറ്റവും പുതിയ ബജറ്റ് വിമാനക്കമ്പനിയായ ‘വിസ് എയര് അബുദാബി’ യുടെ ആദ്യ വിമാനം ഒക്ടോബര് ഒന്നിന് പറക്കും. വിമാനം കഴിഞ്ഞദിവസം അബുദാബി രാജ്യാന്തര വിമാനത്താവളത്തില് എത്തിച്ചേര്ന്നു. കോവിഡ് പ്രതിസന്ധി തീരുന്നതോടെ വ്യോമയാന മേഖല കൂടുതല് സജീവമാകുമെന്നാണ് കമ്പനിയുടെ പ്രതീക്ഷ.
ദുബായില് വനിത ബാഡ്മിന്റണ് ടൂര്ണമെന്റ് ആരംഭിക്കുന്നു. വനിത സ്പോര്ട്ട്സ് കമ്മിറ്റിയുടെ നേതൃത്വത്തിലാണ് മത്സരം. ദുബായ് വേള്ഡ് ട്രേഡ് സെന്ററില് സ്പോര്ട്സ് വേള്ഡ് പരിപാടിയോട് അനുബന്ധിച്ച് സെപ്റ്റംബര് 19 മുതല് 26 വരെയാണ് ടൂര്ണമെന്റ്. രണ്ടു കാറ്റഗറിയിലായി സ്വദേശി, പ്രവാസി താരങ്ങള് ഉള്പ്പെടെ 32 ടീമുകള്ക്ക് പങ്കെടുക്കാം.
ഷാര്ജയിലെ സ്കൂളുകളില് ഓണ്ലൈന് പഠനം രണ്ടാഴ്ച കൂടി നീട്ടിയതായി ഷാര്ജ പ്രൈവറ്റ് എഡ്യുകേഷന് അതോറിറ്റി (എസ്.പി.ഇ.എ) അറിയിച്ചു. സെപ്റ്റംബര് 13 മുതല് 24 വരെയാണ് നീട്ടിയത്. നേരത്തെ മറ്റെല്ലാ എമിറേറ്റുകളിലും ഓണ്ലൈനിനൊപ്പം ക്ലാസ് മുറികളിലെ പഠനം തുടങ്ങിയിരുന്നെങ്കിലും ഷാര്ജയില് മാത്രം സമ്പൂര്ണ്ണ ഓണ്ലൈന് പഠനം തുടരുകയായിരുന്നു.
കോവിഡ് വൈറസ് ബാധിതരുടെ ചികിത്സക്കായി രോഗം ഭേദമായവര് പ്ലാസ്മ ദാനം ചെയ്യാന് തയാറാകണമെന്ന് ആരോഗ്യ വകുപ്പിന് കീഴിലുള്ള ഡിപ്പാര്ട്മെന്റ് ഓഫ് ബ്ലഡ് ബാങ്ക് സര്വിസസ് അഭ്യര്ഥിച്ചു. പ്ലാസ്മ ദാതാക്കളുടെ എണ്ണത്തില് കുറവുണ്ടായതിന്റെ അടിസ്ഥാനത്തിലാണ് ബ്ലഡ് ബാങ്ക് സര്വിസസിന്റെ അഭ്യര്ഥന.കോവിഡ് ബാധിതരില് കോണ്വാലസെന്റ് പ്ലാസ്മ ചികില്സ ഫലം ഫലപ്രദമാണെന്നാണ് റിപ്പോര്ട്ട്.
ദേശീയ വാക്സിനേഷന് പോളിസിക്ക് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിന് റാഷിദ് ആല് മക്തൂമിന്റെ അധ്യക്ഷതയില് ചേര്ന്ന മന്ത്രിസഭാ യോഗം അംഗീകാരം നല്കി. രാജ്യത്തെ ആരോഗ്യ സംവിധാനത്തില് കാര്യമായ മാറ്റങ്ങള് സൃഷ്ടിക്കുമെന്ന് കരുതുന്നതാണ് പുതിയ പോളിസി.
യുഎഇയും ഇസ്രയേലും ഒപ്പുവയ്ക്കുന്ന ചരിത്ര ഉടമ്പടിക്ക് ആതിഥേയത്വം വഹിക്കുക അമേരിക്കന് പ്രസിഡന്റ് ഡൊണാള്ഡ് ട്രംപ്. ഉടമ്പടി സെപ്തംബര് 15ന് വാഷിംങ്ടണില് വച്ചായിരിക്കും ഒപ്പുവയ്ക്കുകയെന്ന് വൈറ്റ് ഹൗസ് ഔദ്യോഗികമായി അറിയിച്ചു.
അബുദാബി മാർത്തോമാ യുവജനസഖ്യം ഓണാഘോഷങ്ങളുടെ ഭാഗമായി സൂം പ്ലാറ്റഫോമിൽ ഓണാഘോഷ പരിപാടികൾ – “കരുതലോടെ ഒരു ഓണം” സംഘടിപ്പിക്കുന്നു. സെപ്റ്റംബർ മാസം 11 ാം തീയതി 05.00 pm മുതൽ സംഘടിപ്പിക്കുന്ന ഓണാഘോഷ പരിപാടികളിൽ ഫാ.
കോവിഡ് വ്യാപന പശ്ചാത്തലത്തില് കര്ശന മാര്ഗ്ഗനിര്ദ്ദേശങ്ങളോടെ അബുദാബി സാമ്പത്തിക വികസന വകുപ്പ് വാലറ്റ് പാര്ക്കിങ് സേവനങ്ങള് പുനരാരംഭിച്ചു.കർശന നിയന്ത്രങ്ങളോടെയാണ് സേവനം ലഭ്യമാക്കുക.
പ്രവാസികളുടെ എറെ നാളത്തെ കാത്തിരിപ്പിനൊടുവില് വിമാന സര്വ്വീസ് ആരംഭിക്കുന്നതിനായി ഇന്ത്യയും ബഹ്റൈനും തമ്മില് എയര് ബബിള് കരാറില് ഒപ്പിട്ടു. വിസ കാലാവധി അവസാനിക്കാറായി ഇന്ത്യയില് കുടുങ്ങി കിടക്കുന്ന നിരവധി പ്രവാസികള്ക്ക് ആശ്വാസമാകുന്നതാണ് പുതിയ വാര്ത്ത.
അമേരിക്കയില് ചികിത്സയിലുള്ള കുവൈറ്റ് അമിര് ശൈഖ് സബാഹ് അല് അഹ്മദ് അല് ജാബിര് അസ്സഹാബിന്റെ ആരോഗ്യ നിലയില് പുരോഗതിയുണ്ടെന്ന് പ്രധാനമന്ത്രി ശൈഖ് സബാഹ് അല് ഖാലിദ് അല് ഹമദ് അസ്സബാഹ് പറഞ്ഞു. കുവൈത്ത് ടി.വിക്ക് നല്കിയ ടെലിഫോണ് ഇന്റര്വ്യുവിലാണ് അദ്ദേഹം അമീറിന്റെ ആരോഗ്യ നിലയില് പുരോഗതിയുമുണ്ടെന്ന് വ്യക്തമാക്കിയത്. പ്രാര്ത്ഥനകളോടെ കാത്തിരിക്കുന്നതായും പ്രധാന മന്ത്രി അറിയിച്ചു.
നിലവിലെ നിയന്ത്രണങ്ങള് ലംഘിച്ചു മുന്കൂര് അനുമതിയില്ലാതെ വ്യാപാര സ്ഥാപനങ്ങളില് ഓഫര്,ഡിസ്കൗണ്ട്, വില്പ്പനകള് നടത്തുന്നതിനെതിരെ മുന്നറിയിപ്പുമായി ഒമാന് വാണിജ്യ,വ്യവസായ,നിക്ഷേപ പ്രോത്സാഹന മന്ത്രാലയം. മുന്കൂര് അനുമതിയില്ലാതെ ഡിസ്കൗണ്ട് വില്പനകള് പ്രഖ്യാപിക്കരുതെന്ന് മന്ത്രാലയം സ്ഥാപനങ്ങളോടും കമ്പനികളോടും ആവശ്യപ്പെട്ടു.
സൗദി അറേബ്യയില് നിന്ന് നാട്ടിലേക്ക് റീ എന്ട്രിയില് പോയവരുടെ ഇഖാമയുടെ കാലാവധി ഒരു മാസത്തേക്ക് ദീര്ഘിപ്പിച്ചതായി ജവാസത്ത് ഡയറക്ടറേറ്റ് അറിയിച്ചു. സെപ്തംബര് ഒന്നിനും 30നും ഇടയില് റീ എന്ട്രി കാലാവധി അവസാനിക്കുന്നവര്ക്കാണ് ഇഖാമയുടെ കാലാവധി ഒരു മാസത്തേക്ക് ദീര്ഘിപ്പിച്ചിരിക്കുന്നതെന്ന് അധികൃതര് ട്വീറ്റ് ചെയ്തു.
എറെ നാളത്തെ കാത്തിരിപ്പിനൊടുവില് ഒമാനില് ഒക്ടോബര് ഒന്നുമുതല് അന്താരാഷ്ട്ര വിമാന സര്വീസുകള് പുനരാരംഭിക്കും. കോവിഡ് പ്രതിരോധ പ്രവര്ത്തനങ്ങളുടെ ചുമതലയുള്ള ഒമാന് സുപ്രിം കമ്മിറ്റി അറിയിച്ചു. അഭ്യന്തര മന്ത്രി സയ്യിദ് ഹമൂദ് ബിന് ഫൈസല് അല് ബുസൈദിയുടെ അധ്യക്ഷതയില് തിങ്കളാഴ്ച നടന്ന യോഗത്തിലാണ് തീരുമാനമെടുത്തത്.
ആരോഗ്യ മേഖലയിൽ ഇന്ത്യ-യു.എ.ഇ സഹകരണം ഉറപ്പാക്കി അധികൃതർ കൂടിക്കാഴ്ച നടത്തി. ദുബായ് ഹെൽത്ത് അതോറിറ്റി ഡയറക്ടർ ജനറൽ ഹുമൈദ് അൽ ഖുതാമിയും ദുബായിലെ ഇന്ത്യൻ കോൺസുൽ ജനറൽ അമൻ പുരിയുമാണ് കൂടിക്കാഴ്ച നടത്തിയത്. ആരോഗ്യ മേഖലയിൽ ഇന്ത്യയുമായി കൂടുതൽ രംഗങ്ങളിൽ സഹകരിക്കുമെന്ന് ദുബായ് ഹെൽത്ത് അതോറിറ്റി വ്യക്തമാക്കി.
കോവിഡ് 19 പ്രതിസന്ധിയില് യാത്രകള് മുടങ്ങിയതിനാല് ഉപഭോക്താക്കള്ക്ക് ് 500 കോടി ദിര്ഹം തിരികെ നല്കിയതായി് എമിറേറ്റ്സ് എയര്ലൈന്സ് വ്യക്തമാക്കി. മാര്ച്ചു മുതല് പതിനാലു ലക്ഷത്തോളം അപേക്ഷകളാണ് പണം തിരികെ ആവശ്യപ്പെട്ട് എമിറേറ്റ്സിന് ലഭിച്ചത്. ജൂണ് അവസാനം വരെയുള്ള കണക്കനുസരിച്ച് ലഭിച്ച അപേക്ഷകളില് 90% തീര്പ്പാക്കിയതായി അധികൃതര് അറിയിച്ചു.
കുവൈത്തില് പ്രവേശന വിലക്കുള്ള 32 രാജ്യങ്ങളുടെ പട്ടിക പുനഃ പരിശോധിക്കുന്നു.കൂടാതെ കോവിഡ് പശ്ചാത്തലത്തില് രാജ്യത്തു നടപ്പിലാക്കിയിരുന്ന നിയന്ത്രണങ്ങള് പിന് വലിച്ചതിനെ തുടുര്ന്നുണ്ടായിട്ടുള്ള സ്ഥിതിഗതികളും ക്യാബിനറ്റ് യോഗത്തില് പരിശോധിക്കും. എന്നാല് കോവിഡ് പ്രതിസന്ധിയെ തുടര്ന്ന് നിയന്ത്രണങ്ങള് പിന്വലിച്ചെങ്കിലും ആരോഗ്യ നിര്ദേശങ്ങള് കര്ശനമായി പാലിക്കുന്നതിനാണ് ബന്ധപ്പെട്ട അധികൃതര്ക്ക് ആരോഗ്യ മന്ത്രി ഡോ. ബാസില് അല് സബാഹ് നല്കിയ ഉത്തരവ്.
യു.എ.ഇ എമിറേറ്റായ അജ്മാനിലെ പൊതുപാർക്കുകളും നഗരത്തിലെ പൊതു ഒത്തുചേരൽ കേന്ദ്രങ്ങളും തുറന്നു . കോവിഡ് മുൻകരുതൽ നടപടികളോടെയാണ് ഇപ്പോൾ സന്ദർശകർക്കായി പാർക്കുകൾ തുറന്നിരിക്കുന്നത് . ജീവനക്കാർക്ക് പ്രത്യേക കോവിഡ് പരിശീലനം നൽകിയിട്ടുണ്ട്. ആളുകൾ കൂട്ടം കൂടുന്നതും, നിയന്ത്രങ്ങൾ പാലിക്കുന്നതും നിരീക്ഷിക്കും. ജീവനക്കാരുടെ സംഘം മുഴുവൻ സമയ അണുനശീകരണ പ്രവർത്തനങ്ങക്ക് നേതൃത്വം നൽകും. മാസ്ക് നിർബന്ധമായും ധരിച്ചിരിക്കണം.
രാജ്യത്തെ വളര്ച്ചയുടെ പാതയിലേക്ക് നയിച്ച യു.എ.ഇ പ്രസിഡന്റ് ഹിസ് ഹൈനസ് ഷെയ്ഖ് ഖലീഫ ബിന് സായിദ് ആല് നഹ്യാന്റെ ജന്മദിനമാണ് ഇന്ന്. 1948 സെപ്റ്റംബര് ഏഴിനാണ് അദ്ദേഹത്തിന്റെ ജനനം. അബൂദാബി എമിറേറ്റിന്റെ ഭരണാധികാരി, യു.എ.ഇ സായുധസേനയുടെ സുപ്രീം കമാന്ഡര്, സുപ്രീം പെട്രോളിയം കൗണ്സില് ചെയര്മാന് എന്നീ സുപ്രധാന സ്ഥാനങ്ങള്ക്കു പുറമെ 875 ബില്യണ് ഡോളര് ആസ്തി കൈകാര്യം ചെയ്യുന്ന അബൂദാബി ഇന്വെസ്റ്റ്മെന്റ് അതോറിറ്റിയുടെ ചെയര്മാന്കൂടിയാണ് ശൈഖ് ഖലീഫ. ഒരു രാഷ്ട്രത്തലവന് കൈകാര്യംചെയ്യുന്ന ഏറ്റവും വലിയ തുകയാണിത്.
വന്ദേ ഭാരത് മിഷന്റെ ആറാം ഘട്ടത്തില് സൗദിയില് നിന്നും കൂടുതൽ വിമാന സര്വീസുകള് പ്രഖ്യാപിച്ചു. ഒൻപത് സർവീസുകളാണ് കൂടുതലായി പ്രഖ്യാപിച്ചിട്ടുള്ളത്. സെപ്തംബര് 15 വരെയുള്ള ഷെഡ്യൂളില് മൂന്ന് സര്വീസുകളാണ് കേരളത്തിലേക്ക് നിശ്ചയിച്ചിരുന്നത് .
പത്രപ്രവർത്തകനായും UAE ലെ സാമൂഹ്യ സാംസ്ക്കാരിക പ്രവർത്തന രംഗത്തും നിറഞ്ഞു നിന്നു് നീണ്ട 35 വർഷത്തെ പ്രവാസ ജീവിതം അവസാനിപ്പിച്ച് നാട്ടിലേക്ക് യാത്രയാവുന്ന ശ്രീ മനോഹരൻ വാത്തിശ്ശേരിയ്ക്ക് ഗുരു വിചാരധാര യാത്ര അയയ്പ് നല്കി.
ഇന്ത്യന് പ്രീമിയര് ലീഗ് മത്സരക്രമം ബി.സി.സി.ഐ പ്രഖ്യാപിച്ചു. ഉദ്ഘാടന മത്സരത്തില് നിലവിലുള്ള ചാമ്ബ്യന്മാരായ മുംബയ് ഇന്ത്യന്സും റണ്ണേഴ്സ് അപ്പായ ചെന്നൈ സൂപ്പര് കിംഗ്സും തമ്മില് ഏറ്റുമുട്ടും. സെപ്തംബര് 19ന് അബുദാബിയിലാണ് ഉദ്ഘാടന മത്സരം നടക്കുക.
ഗള്ഫ് രാജ്യങ്ങളില് ടൂറിസം മേഖലകള് അതിന്റെ പൂര്വ്വ സ്ഥിതിയിലേയ്ക്ക് വരുന്ന വാര്ത്തകള് നാം കണ്ടു കഴിഞ്ഞു. രാജ്യത്തിന്റെ സമ്പത് വ്യവസ്ഥയും സമാധാനവും ആരോഗ്യ പരിപാലനവും ഒരുപോലെ കാത്തു സൂക്ഷിക്കാന് നിരവധി പദ്ധതികളാണ് അറബ് മേഖല കൈക്കൊള്ളുന്നത്. ഇതിന്റെ പ്രതിഫലനമെന്നോണം ഗള്ഫ് രാജ്യങ്ങളായ യു.എ.ഇ, സൗദി അറേബ്യ, ഒമാന്, കുവൈറ്റ്, ബഹ്റൈന് എന്നിവിടങ്ങളില് കോവിഡില് നിന്ന് രോഗമുക്തി നേടുന്നവരുടെ എണ്ണം ദിനംപ്രതി ക്രമാനുഗതമായി വര്ധിക്കുകയാണ്.
ദുബായ് : നീണ്ട 31 വർഷത്തെ സേവനം അവസാനിപ്പിച്ചു നാട്ടിലേക്ക് പോകുന്ന മലയാളി ജീവനക്കാരന് ദുബൈ എമിഗ്രേഷൻ വകുപ്പിന്റെ ആദരം.കൊല്ലം പള്ളിമുക്ക് സ്വദേശിയായ നെജീബ് ഹമീദിനെയാണ്- മൂന്ന് പതിറ്റാണ്ട് കടന്ന മികവുറ്റ സേവനത്തെ മാനിച്ചു
ബഹ്റൈനില് കോവിഡ് ബാധിച്ച് അഞ്ചു പേര്കൂടി മരിച്ചു. മൂന്നു സ്വദേശികളും രണ്ടു പ്രവാസികളുമാണ് മരിച്ചത്. ഇതോടെ, രാജ്യത്തെ മരണസംഖ്യ 196 ആയി. പുതുതായി 626 പേര്ക്കുകൂടി കോവിഡ് സ്ഥിരീകരിച്ചു.
