വന്ദേ ഭാരത് മിഷന്റെ ആറാം ഘട്ടത്തില് സൗദിയില് നിന്നും കൂടുതൽ വിമാന സര്വീസുകള് പ്രഖ്യാപിച്ചു. ഒമ്പത് സർവീസുകളാണ് കൂടുതലായി പ്രഖ്യാപിച്ചിട്ടുള്ളത്. സെപ്തംബര് 15 വരെയുള്ള ഷെഡ്യൂളില് മൂന്ന് സര്വീസുകളാണ് കേരളത്തിലേക്ക് നിശ്ചയിച്ചിരുന്നത് .
ദമ്മാമില് നിന്ന് കണ്ണൂരിലേക്ക് രണ്ടും തിരുവനന്തപുരത്തേക്ക് ഒന്നുമാണ് പുതുതായി പ്രഖ്യാപിച്ച സര്വീസുകള്. സെപ്തംബര് 10ന് ഇന്ഡിഗോ, 13ന് എയര് ഇന്ത്യ എന്നീ വിമാനങ്ങളാണ് ദമ്മാമില് നിന്ന് കണ്ണൂരിലേക്ക് സര്വീസ് നടത്തുന്നത്. 14ന് എയര്ഇന്ത്യ തിരുവനന്തപുരത്തേക്ക് സര്വീസ് നടത്തും.
കേരളത്തിന് പുറമേ വിയജവാഡ, ഹൈദരാബാദ്, മംഗളൂരു, ലഖ്നൗ, ഡല്ഹി, ഹൈദരാബാദ്, അഹമ്മദാബാദ്, മുംബൈ എന്നിവിടങ്ങളിലേക്കാണ് പ്രഖ്യാപിച്ച മറ്റ് സര്വീസുകള്.
