ന്യൂഡല്ഹി: സമ്പദ്ഘടന തിരിച്ചുവരവിന്റെ പാതിയിലെന്ന് കേന്ദ്ര ധനകാര്യമന്ത്രി നിര്മ്മല സീതാരാമന്. ജി.എസ്.ടി വരുമാനം 10 ശതമാനം വര്ധിച്ചു. ബാങ്ക് വായ്പ 5.1 ശതമാനം ഉയര്ന്നുവെന്നും കേന്ദ്രമന്ത്രി അറിയിച്ചു.
സാമ്പത്തിക വര്ഷത്തിന്റെ മൂന്നാംപദത്തില് വളര്ച്ചാനിരക്ക് ഉണ്ടാകുമെന്നാണ് വിലയിരുത്തല്. 2019-മായി താരതമ്യം ചെയ്യുമ്പോള് വിദേശനിക്ഷേപത്തില് വര്ധനവ് ആണ് രേഖപ്പെടുത്തിയിരിക്കുന്നത്. വൈദ്യുതി,ഉപയോഗത്തില് 12 ശതമാനം വര്ധനയാണുണ്ടായത്. ഊര്ജ ഉപയോഗം വര്ധിച്ചതും ഓഹരി വിപണികളുടെ മികച്ച പ്രവര്ത്തനവുമെല്ലാം സമ്ബദ്വ്യവസ്ഥ തിരിച്ചു വരുന്നതിന്റെ സൂചകങ്ങളാണെന്ന് ധനമന്ത്രി പറഞ്ഞു.
അതേസമയം, ആര്.ബി.ഐയുടെ ഏറ്റവും പുതിയ റിപ്പോര്ട്ടും ചൂണ്ടിക്കാണിക്കുന്നത് ഇന്ത്യ ചരിത്രത്തിലാദ്യമായി സാമ്പത്തിക മാന്ദ്യത്തെ അഭിമുഖീകരിക്കുന്നുവെന്നാണ്. സാമ്പത്തിക വര്ഷത്തിന്റെ രണ്ടാംപാദത്തിലും ജി.ഡി.പിയില് ഇടിവുണ്ടാവുമെന്ന റിപ്പോര്ട്ടുകള് പുറത്ത് വന്നതോടെയാണ് ആര്.ബി.ഐ പ്രവചനം.
