English മലയാളം

Blog

sensex-today

 

മുംബൈ: ഓഹരി വിപണി തുടര്‍ച്ചയായ മൂന്നാമത്തെ ദിവസവും നേട്ടമുണ്ടാക്കി. യുഎസ്‌ പ്രസിഡന്റ്‌ സ്ഥാനത്തേക്ക്‌ ഡൊണാള്‍ഡ്‌ ട്രംപ്‌ വീണ്ടും തിരികെയെത്താനുള്ള സാധ്യതയാണ്‌ വിപണി ഉയരാന്‍ കാരണം. ട്രംപ്‌ വിപണിക്ക്‌ അനുകൂലമായ നിലപാടുകള്‍ കൈകൊള്ളുമെന്നാണ്‌ പ്രതീക്ഷ. സെന്‍സെക്‌സ്‌ 335 പോയിന്റും നിഫ്‌റ്റി 95 പോയിന്റും ഉയര്‍ന്നു. കടുത്ത ചാഞ്ചാട്ടമാണ്‌ വ്യാപാരവേളയിലുടനീളം നിലനിന്നത്‌.

നേട്ടത്തോടെയാണ്‌ വ്യാപാരം തുടങ്ങിയതെങ്കിലും പിന്നീട്‌ കടുത്ത ചാഞ്ചാട്ടം ദൃശ്യമായി. ഒരു ഘട്ടത്തില്‍ വിപണി നഷ്‌ടത്തിലലേക്ക്‌ നീങ്ങുകയും ചെയ്‌തു. എന്നാല്‍ പിന്നീട്‌ ശക്തമായ കരകയറ്റം നടത്തി. നിഫ്‌റ്റിയില്‍ വ്യാപാരത്തിനിടെ 150 പോയിന്റിലേറെ വ്യതിയാനം ഉണ്ടായി.

Also read:  ഓഹരി വിപണി മുന്നേറ്റം തുടരുന്നു; നിഫ്‌റ്റി 11,500ന്‌ മുകളില്‍

സെന്‍സെക്‌സ്‌ 40,000 പോയിന്റിന്‌ മുകളില്‍ തുടര്‍ന്നു. സെന്‍സെക്‌സ്‌ 40,616 പോയിന്റിലാണ്‌ ക്ലോസ്‌ ചെയ്‌തത്‌. നിഫ്‌റ്റി വീണ്ടും 11,900 പോയിന്റിന്‌ മുകളിലേക്ക്‌ ഉയര്‍ന്നു. 11,929 പോയിന്റ്‌ വരെ ഉയര്‍ന്ന നിഫ്‌റ്റി 95 പോയിന്റ്‌ നേട്ടം രേഖപ്പെടുത്തി. 11,756 പോയിന്റ്‌ വരെ ഇടിഞ്ഞെങ്കിലും ശക്തമായ മുന്നേറ്റത്തിനു ശേഷം നിഫ്‌റ്റി 11,908 പോയിന്റിലാണ്‌ ക്ലോസ്‌ ചെയ്‌തത്‌.

നിഫ്‌റ്റിയില്‍ ഉള്‍പ്പെട്ട ഭൂരിഭാഗം ഓഹരികളും ഇന്ന്‌ നേട്ടം രേഖപ്പെടുത്തി. നിഫ്‌റ്റിയില്‍ ഉള്‍പ്പെട്ട 50 ഓഹരികളില്‍ 33 ഓഹരികള്‍ നേട്ടമുണ്ടാക്കിയപ്പോള്‍ 17 ഓഹരികള്‍ നഷ്‌ടത്തിലായി. ഇന്‍ഡസ്‌ഇന്‍ഡ്‌ ബാങ്ക്‌, സണ്‍ ഫാര്‍മ, ദിവിസ്‌ ലാബ്‌, റിലയന്‍സ്‌ ഇന്റസ്‌ട്രീസ്‌, സിപ്ല എന്നിവയാണ്‌ ഇന്ന്‌ ഏറ്റവും ഉയര്‍ന്ന നേട്ടം രേഖപ്പെടുത്തിയ അഞ്ച്‌ നിഫ്‌റ്റി ഓഹരികള്‍.

Also read:  പുരുഷന്മാര്‍ക്കിടയില്‍ ഒരേ ഒരു വനിത ഫോട്ടോഗ്രാഫർ ;ഇന്ദിര ഗാന്ധി എന്റെ അടുത്തേയ്ക്ക് വന്നു.. ക്യാമറയല്ല ജീവിതം :സരസ്വതി ചക്രവർത്തി തുറന്നു പറയുന്നു....

ഇന്‍ഡസ്‌ഇന്‍ഡ്‌ ബാങ്ക്‌ 4.89 ശതമാനം നേട്ടം രേഖപ്പെടുത്തി. ഇന്‍ഡസ്‌ഇന്‍ഡ്‌ ബാങ്ക്‌, സണ്‍ ഫാര്‍മ, ദിവിസ്‌ ലാബ്‌, റിലയന്‍സ്‌ ഇന്റസ്‌ട്രീസ്‌, സിപ്ല, ഇന്‍ഫോസിസ്‌ എന്നീ ഓഹരികള്‍ 3 ശതമാനത്തിന്‌ മുകളില്‍ നേട്ടമുണ്ടാക്കി.

Also read:  ഫാര്‍മ മേഖലയില്‍ നിന്ന്‌ നേട്ടമുണ്ടാക്കാന്‍ സിപ്ലയില്‍ നിക്ഷേപിക്കാം

ഫാര്‍മ, ഐടി ഓഹരികളാണ്‌ ഇന്നും മിച്ച നേട്ടം രേഖപ്പെടുത്തിയത്‌. നിഫ്‌റ്റി ഫാര്‍മ സൂചിക 2.18 ശതമാനം ഉയര്‍ന്നു. നിഫ്‌റ്റി ഐടി സൂചിക 1.78 ശതമാനം നേട്ടം രേഖപ്പെടുത്തി.

യുപിഎല്‍, ആക്‌സിസ്‌ ബാങ്ക്‌, എച്ച്‌ഡിഎഫ്‌സി, ഐസിഐസിഐ ബാങ്ക്‌, ഹിന്‍ഡാല്‍കോ എന്നിവയാണ്‌ ഉയര്‍ന്ന നഷ്‌ടം രേഖപ്പെടുത്തിയ അഞ്ച്‌ നിഫ്‌റ്റി ഓഹരികള്‍. യുപിഎല്‍ 3.90 ശതമാനം ഇടിഞ്ഞു.