ഒമാന്: രാജ്യത്ത് കോവിഡ് പ്രതിരോധ പ്രവര്ത്തനങ്ങള് ശക്തിപ്പെടുത്തുന്നതിന്റെ ഭാഗമായി ഒക്ടോബര് 11 മുതല് 24 വരെ വീണ്ടും രാത്രികാല നിരോധനാജ്ഞ ഏര്പ്പെടുത്തും. വൈകിട്ട് എട്ടു മുതല് പുലര്ച്ചെ അഞ്ചു മണി വരെയാണ് കര്ഫ്യൂ സയമം. എല്ലാ കടകളും പൊതുസ്ഥലങ്ങളും ഈ സമയങ്ങളില് അടഞ്ഞു കിടക്കുമെന്ന് അധികൃതര് വ്യക്തമാക്കി.
അടുത്ത അറിയിപ്പുണ്ടാകുന്നതു വരെ ബീച്ചുകളിലേക്കുള്ള പ്രവേശനം നിരോധിച്ചു.നേരത്തെ, തുറന്നിരുന്ന ചില മേഖലകള് അടച്ചിടാനും തീരുമാനമായി. ഇതിന്റെ വിശദ വിവരങ്ങള് ഉടന് പുറത്തുവരും.
കോവിഡിനെതിരെയുള്ള സുരക്ഷാ മാനദണ്ഡങ്ങള് പാലിക്കാന് സുപ്രിംകമ്മിറ്റി എല്ലാവരോടും ആഹ്വാനം ചെയ്തു. നിയമം ലംഘിക്കുന്നവര്ക്കെതിരെ കര്ശന നടപടിയെടുക്കുമെന്നും കമ്മിറ്റി വ്യക്തമാക്കി.
