Web Desk
ലണ്ടന്‍: മാഞ്ചസ്റ്റര്‍ യുണൈറ്റയും ആഴ്സണലും എഫ്.എ കപ്പിന്‍റെ സെമിയില്‍ പ്രവേശിച്ചു. കഴിഞ്ഞ ദിവസം നടന്ന മത്സരത്തില്‍ നോര്വിച്ച് സിറ്റിയെ പരാജയപ്പെടുത്തിയാണ് മാഞ്ചസ്റ്റര്‍ യുനൈറ്റഡ് സെമിയില്‍ പ്രവേശിച്ചത്. ഒന്നിനെതിരെ രണ്ട് ഗോളുകള്‍ക്കായിരുന്നു യുനൈറ്റഡിന്‍റെ ജയം.
രണ്ടാം പകുതിയുടെ തുടക്കത്തില്‍ ഇഗാളോയിലൂടെയാണ് യുനൈറ്റഡ് മുന്നില്‍ എത്തിയത്. നോര്വിച്ച് സിറ്റി സമനില സ്വന്തമാക്കിയെങ്കിലും മത്സരം എക്‌സ്ട്രാ ടൈമിലേക്ക് പോകുന്നതിന് തൊട്ടു മുന്‍പായി നോര്‍വിച് സിറ്റി താരം ക്ലോസെ ചുവപ്പ് കണ്ട് പുറത്തായത് ടീമിന് തിരിച്ചടിയായി. എക്‌സ്ട്രാ ടൈമില്‍ വിജയ ഗോളിനായി ശ്രമിച്ച മാഞ്ചസ്റ്റര്‍ യുനൈറ്റഡ് 118ാം മിനുട്ടില്‍ ഹാരി മഗ്വയറിലൂടെ ലക്ഷ്യം കാണുകയായിരുന്നു.
ഷെഫീല്‍ഡ് യുനൈറ്റഡിനെ ഒന്നിനെതിരെ രണ്ട് ഗോളുകള്‍ക്ക് പരാജയപ്പെടുത്തിയതോടെയാണ് ആഴ്‌സനല്‍ സെമി ഉറപ്പിച്ചത്. നിക്കോളാസ് പെപെ, ഡാനി കബല്ലോസ് എന്നിവരാണ് ആഴ്‌സനലിന് വേണ്ടി ഗോള്‍ നേടിയത്.
