English മലയാളം

Blog

covid-vacc

 

കോവിഡ് പ്രതിരോധ വാക്‌സിനായ കോവിഷീല്‍ഡ് 2020 ഡിംബറോടെ വിതരണം ചെയ്യാനായേക്കുമെന്ന് സെറം ഇന്‍സ്റ്റിറ്റ്യൂട്ട് ഓഫ് ഇന്ത്യ സിഇഒ അദാര്‍ പൂനാവാല പറഞ്ഞു. കൊവിഷീല്‍ഡിന്റെ യുകെയിലെ ട്രയല്‍ ഡേറ്റകളുടെ അടിസ്ഥാനത്തിലായിരിക്കും ഇക്കാര്യത്തില്‍ അന്തിമ തീരുമാനമുണ്ടാകുക.

യുകെയില്‍ നിന്നുളള ഡേറ്റകള്‍ പോസിറ്റീവാണെങ്കില്‍ വാക്‌സിന് അടിയന്തര അംഗീകാരം ലഭിക്കുന്നതിനായി സെറം ഇന്‍സ്റ്റിറ്റ്യൂട്ട് ഓഫ് ഇന്ത്യ ഡ്രഗ്‌സ് കണ്‍ട്രോളര്‍ ജനറല്‍ ഓഫ് ഇന്ത്യയെ സമീപിക്കും. ആവശ്യമെങ്കില്‍ വാക്‌സിന് അടിയന്തര അംഗീകാരം നല്‍കാന്‍ സാധ്യതയുളളതായി കേന്ദ്ര സര്‍ക്കാര്‍ നേരത്തേ വ്യക്തമാക്കിയിരുന്നു.

Also read:  കര്‍ക്കിടമാസ പൂജ: ശബരിമല നട ബുധനാഴ്ച തുറക്കും; പമ്പയില്‍ ബലിതര്‍പ്പണമില്ല

ഓക്‌സ്ഫഡ് സര്‍വകലാശാല-ആസ്ട്രസെനകയുടെ കൊവിഷീല്‍ഡിന്റെ മൂന്നാംഘട്ട ട്രയലാണ് യുകെയില്‍ നടന്നുകൊണ്ടിരിക്കുന്നത്. ഇന്ത്യയിലും 1600 പേര്‍ കോവിഷീല്‍ഡിന്റെ അവസാനഘട്ട ട്രയലുകളിലാണ്.

Also read:  അമിത് ഷാ കോവിഡ് ചികിത്സയ്ക്ക് പോയത് സ്വകാര്യ ആശുപത്രിയില്‍: വിമര്‍ശനവുമായി ശശി തരൂര്‍
പ്രധാനമന്ത്രി നരേന്ദ്രമോദിയോടൊപ്പം സെറം ഇന്‍സ്റ്റിറ്റ്യൂട്ട് ഓഫ് ഇന്ത്യ സിഇഒ അദാര്‍ പൂനാവാല

ഓക്‌സ്ഫഡ് സര്‍വകലാശാല വികസിപ്പിച്ച കോവിഡ് വാക്‌സിന്‍ ചെറുപ്പക്കാരിലും പ്രായമായവരിലും രോഗപ്രതിരോധശേഷി ഉണ്ടാക്കുന്നതായുളള ബ്രീട്ടീഷ് മരുന്നുനിര്‍മാതാക്കളായ ആസ്ട്രസെനക്കയുടെ പ്രഖ്യാപനം ചൊവ്വാഴ്ച ട്വിറ്ററിലൂടെ പൂനാവാല പങ്കുവെച്ചിരുന്നു. പ്രാഥമിക സന്തോഷവാര്‍ത്തയെന്ന വിശേഷണത്തോടെയാണ് പൂനാവാല ഇക്കാര്യം പങ്കുവെച്ചത്.

Also read:  ജാഗ്രതക്കുറവ്, ഉദ്യോഗസ്ഥ ഭരണം നിയന്ത്രിക്കാനായില്ല; മുഖ്യമന്ത്രിയുടെ ഓഫീസിന് സിപിഐഎമ്മിന്റെ വിമര്‍ശനം

‘പ്രായമായവര്‍ക്കും, ദുര്‍ബലരായവര്‍ക്കും ഈ വാക്‌സിന്‍ പ്രയോജനപ്പെടുമോ എന്ന് നിരവധി പേര്‍ ചോദിച്ചിരുന്നു. അവര്‍ക്കായിതാ ഒരു പ്രാഥമിക സന്തോഷവാര്‍ത്ത’ എന്നുകുറിച്ചുകൊണ്ടാണ് കോവിഷീല്‍ഡ് പ്രായമായവര്‍ക്കും ചെറുപ്പക്കാര്‍ക്കും ഫലപ്രദമാണെന്ന ആസ്ട്രസെനക്കയുടെ പ്രഖ്യാപനം അദ്ദേഹം പങ്കുവെച്ചത്.