Web Desk
പാചക കലയിലെ കൈപുണ്യം- കേരളത്തിലെ ആദ്യ വനിതാ ഷെഫ് ലതയുടെ രസക്കൂട്ടുകള്‍
മട്ടന്‍ ചെറിയ ഉള്ളി റോസ്റ്റ്
—————————————–
1) എല്ല് അധികം ഇല്ലാത്ത ഇളയ മട്ടന്‍- 500 ഗ്രാം
2) ചെറിയ ഉള്ളി- 300 ഗ്രാം
3) കുരുമുളക്- 3 ടേബിള്‍ സ്പൂണ്‍
4) വെളുത്തുള്ളി അല്ലിയാക്കിയത്- 50 ഗ്രാം
5) തേങ്ങാപ്പാല്‍ (വെള്ളം ചേര്‍ക്കാത്തത്)- 150 മില്ലി ലിറ്റര്‍
6) പച്ചമല്ലി പൊടിച്ചത്- 50 ഗ്രാം
7) വെളിച്ചെണ്ണ- 50 മില്ലി ലിറ്റര്‍
8) കറിവേപ്പില- 3 തണ്ട്
9) ഉണക്ക തേങ്ങ ( ചെറിയ കഷ്ണം)
10) ഇഞ്ചി-ചെറിയ കഷണം
11) മഞ്ഞള്‍പ്പൊടി
12) പെരുംജീരക പൊടി
തയ്യാറാക്കുന്ന വിധം
മട്ടന്‍ മഞ്ഞള്‍പ്പൊടി, ഉപ്പ് എന്നിവ ചേര്‍ത്ത് വേവിച്ച് മാറ്റിവെക്കുക. ഒരു പാന്‍ ചൂടാകുമ്പോള്‍ അതിലേക്ക് തേങ്ങാപ്പാല്‍ നന്നായി ചൂടാക്കി വറ്റിച്ച് എണ്ണ തെളിയുമ്പോള്‍ ഇതിലേക്ക് മല്ലിപ്പൊടി, വെളുത്തുള്ളി അല്ലി, ഇഞ്ചി എന്നിവ ചേര്‍ത്തതിനു ശേഷം ഇതിലേക്ക് വേവിച്ച മട്ടന്‍ നന്നായി വഴറ്റി അരപ്പ് കുറുകുമ്പോള്‍ ചെറിയ ഉള്ളി ഉണക്ക തേങ്ങ ഇവ നന്നായി വറുത്ത് മട്ടനില്‍ ചേര്‍ത്ത് മിക്‌സ് ചെയ്യുക. കുരുമുളക് പൊടിയും പെരുംജീരക പൊടിയും കറിവേപ്പിലയും ചേര്‍ത്ത് ഇളക്കിവെച്ച് ചൂടോടെ വിളമ്പാം.
