റിയാദ്: എക്സിറ്റ്, റീഎൻട്രി വീസകൾ റദ്ദാക്കിയാലും അതിനായി അടച്ച ഫീസ് തിരികെ ലഭിക്കില്ലെന്ന് സൗദിയിലെ പാസ്പോർട്ട് വിഭാഗമായ ജവാസാത്ത് വ്യക്തമാക്കി. വേനൽ അവധിക്കാലത്ത് നിരവധി പേർ വിദേശയാത്രക്ക് തയ്യാറെടുക്കുന്നതിനിടെയാണ് ഈ നിര്‍ദേശം പുറത്ത് വിട്ടത്.
ഒരു എക്സിറ്റ് റീഎൻട്രി വിസയ്ക്ക് 200 റിയാലാണ് ഫീസ്. ഈ വിസ റദ്ദാക്കിയാൽ ആ തുക മടങ്ങിനൽകില്ല.
അതേസമയം, രാജ്യത്തിനകത്ത് വസിക്കുന്നവർക്കായി എക്സിറ്റ് പെർമിറ്റ് നീട്ടേണ്ടതായാൽ, ഓരോ മാസത്തെയും തുടർച്ചയ്ക്ക് 200 റിയാൽ വീതം ഫീസ് അടയ്ക്കണം. മൾട്ടിപ്പിൾ റീഎൻട്രി വിസയ്ക്കു വേണ്ടിയെങ്കിൽ ഇത് 400 റിയാലായിരിക്കും.
ഇഖാമയുടെ കാലാവധി കഴിഞ്ഞാൽ ഇനി വിസാ നീട്ടൽ സാധ്യമല്ലെന്നും, വിസാ ദൗത്യങ്ങൾക്കുമുതൽ യാത്രാസുരക്ഷ വരെയുളള കാര്യങ്ങളിൽ മുന്‍കരുതലോടെ സമീപിക്കണമെന്ന് ജവാസാത്ത് അറിയിച്ചു.
