ലണ്ടന്‍: ഇംഗ്ലണ്ട് ഫുള്‍ ബാക്ക് കീറന്‍ ട്രിപ്പിയര്‍ അന്താരാഷ്ട്ര ഫുട്ബോളില്‍നിന്ന് വിരമിക്കല്‍ പ്രഖ്യാപിച്ചു. 33-കാരനായ താരം തന്റെ ഔദ്യോഗിക ഇന്‍സ്റ്റാഗ്രാം അക്കൗണ്ടിലൂടെയാണ് വിരമിക്കല്‍ പ്രഖ്യാപനം നടത്തിയത്. 2017 മുതല്‍ ഇംഗ്ലണ്ടിനായി 54 മത്സരങ്ങള്‍ കളിച്ച താരം ഒരു ഗോളും സ്‌കോര്‍ ചെയ്തിട്ടുണ്ട്.
യൂറോ കപ്പിൽ ഇംഗ്ലണ്ട് ടീമിന്റെ ഫൈനൽ തോൽവിക്കു പിന്നാലെ ഗാരെത് സൗത്ത്ഗേറ്റ് പരിശീലക സ്ഥാനം രാജിവെച്ചിരുന്നു. അടുത്ത ഒരു ഇംഗ്ലണ്ട് സ്ക്വാഡിന്റെ പ്രഖ്യാപനത്തിനായി ആരാധകർ കാത്തിരിക്കുമ്പോഴാണ് ട്രിപ്പിയറുടെ വിരമിക്കൽ.
2018 ലോകകപ്പ് സെമിഫൈനലിൽ ക്രൊയേഷ്യയ്ക്കെതിരേ ട്രിപ്പിയർ നേടിയ ഫ്രീ-കിക്ക് ഗോൾ ഏറെ ശ്രദ്ധ നേടിയ ഒന്നായിരുന്നു. പ്രതിരോധത്തിലെ മികവിന് പ്രശസ്തനായിരുന്നു അദ്ദേഹം. ദേശീയ ടീമിലെ ചുമതലകളിൽ നിന്നൊഴിഞ്ഞ താരം ഇനി തന്റെ നിലവിലെ ക്ലബ്ബായ ന്യൂകാസിൽ യുണൈറ്റഡിൽ മുഴുവൻ സമയ ശ്രദ്ധ നൽകാനുള്ള ഒരുക്കത്തിലാണ്.
കാര്‍ഷിക നിയമത്തില്‍ പ്രതിഷേധം; ആര്‍എല്‍പി എന്‍ഡിഎ വിടുന്നു
December 26, 2020
