Web Desk
കോട്ടയം: ജോസ് കെ മാണിയെ എല്ഡിഎഫിലേക്ക് സ്വാഗതം ചെയ്ത് എന്സിപി. ഇടതുമുന്നണി വാതില് തുറന്നാല് ആര്ക്കും കയറിവരാം. അതേസമയം, പാലാ മണ്ഡലം ജോസ് വിഭാഗത്തിന് വിട്ടുകൊടുക്കില്ല. അങ്ങനെയൊരു വിഷയം ഉദിക്കുന്നില്ലെന്ന് മാണി സി കാപ്പന് പറഞ്ഞു.
ജോസ് വിഭാഗത്തെ ചൊല്ലി യുഡിഎഫിലെ ആശയക്കുഴപ്പം നേട്ടമാക്കാന് ഒരുങ്ങുകയാണ് എല്ഡിഎഫ്. ജോസ് വിഭാഗത്തെ പുകഴ്ത്തി കോടിയേരിയും എല്ഡിഎഫ് കണ്വീനര് എ വിജയരാഘവനും രംഗത്തെത്തി. ജോസ് വിഭാഗത്തിന് ജനകീയ അടിത്തറയുണ്ടെന്ന് കോടിയേരി പറഞ്ഞു. അതേസമയം സ്വാധീനമുള്ള കക്ഷിയെന്ന് വിജയരാഘവനും പറഞ്ഞു. യുഡിഎഫിലെ പ്രതിസന്ധി മുന്നണിയില് ചര്ച്ചയാകുമെന്നും എല്ഡിഎഫ് കണ്വീനര് പറഞ്ഞു.
അതേസമയം, ഇടതുമുന്നണി നേതാക്കളുടെ നിലപാടില് സന്തോഷമുണ്ടെന്ന് ജോസ് കെ മാണി പറഞ്ഞു. ഉചിതമായ സമയത്ത് ഉചിതമായ തീരുമാനമെടുക്കും. ഇടതുമുന്നണിയുമായി ഒരു ചര്ച്ചയും നടത്തിയിട്ടില്ലെന്നും ജോസ് കെ മാണി പറഞ്ഞു.
