ഒമൈക്രോണ്‍ ആന്ധ്രാപ്രദേശിലും ചണ്ഡീഗഢിലും സ്ഥിരീകരിച്ചു. കര്‍ണാടകയില്‍ ഒരാള്‍ക്ക് കൂടി രോഗം കണ്ടെത്തി. ഇതോടെ രാജ്യത്ത് റിപ്പോര്‍ട്ട് ചെയ്ത ഒമൈക്രോണ്‍ കേസുകളുടെ എണ്ണം 36 ആയി
ഹൈദരാബാദ്: കോവിഡിന്റെ പുതിയവകഭേദമായ ഒമൈക്രോണ്‍ ആന്ധ്രാപ്രദേശിലും ചണ്ഡീഗഢിലും സ്ഥിരീകരിച്ചു. കര്‍ണാടകയില്‍ ഒരാള്‍ക്ക് കൂടി രോഗം കണ്ടെത്തി. ഇതോടെ രാജ്യത്ത് റിപ്പോര്‍ട്ട് ചെയ്ത ഒമിക്രോണ്‍ കേസുകളുടെ എണ്ണം 36 ആയി.
ആന്ധ്രയിലേയും ചണ്ഡീഗഢിലേയും ആദ്യ കേസുകളാണ്. ആന്ധ്രയിലെത്തിയ 34കാരന്‍ അയര്‍ലന്‍ ഡില്‍ നിന്നും ചണ്ഡീഗഢിലെത്തിയ 20കാരന്‍ ഇറ്റലിയില്‍ നിന്നുമാണ് വന്നത്. ഞായറാഴ്ചയാണ് ആന്ധ്രാ പ്രദേശില്‍ ആദ്യ ഒമൈക്രോണ്‍ കേസ് കണ്ടെത്തിയത്. അയര്‍ലന്‍ഡില്‍ നിന്നെത്തിയ 34 കാരനായ യാ ത്രക്കാരനില്‍ കാര്യമായ മറ്റ് രോഗലക്ഷണങ്ങളൊന്നുമില്ലായിരുന്നു. ആര്‍ടിപിസിആര്‍ പരിശോധ നയില്‍ ഇയാള്‍ക്ക് കോവിഡ് നെഗറ്റീവാണ്.
ശനിയാഴ്ച രാത്രി വൈകിയാണ് ചണ്ഡീഗഡില്‍ ആദ്യ ഒമൈക്രോണ്‍ കേസ് സ്ഥിരീകരിച്ചത്. നവംബര്‍ 22 ന് ഇറ്റലിയില്‍ നിന്ന് എത്തിയ 20 വയസുകാരന്‍ ബന്ധുക്കളെ കാണാന്‍ ഇന്ത്യയിലെത്തിയതാണ്. ഇയാള്‍ വീട്ടില്‍ നിരീക്ഷണത്തില്‍ കഴിയുകയായിരുന്നു. രണ്ട് വാക്സിനുമെടുത്ത 20കാരന്‍ ഇറ്റലിയില്‍ നിന്നെത്തി യതിന് പിന്നാലെ ഈ മാസം ഒന്നിന് കോവിഡ് പോസിറ്റീവായി. ക്വാറന്റൈനില്‍ കഴിയുന്ന യുവാവിന്റെ സാംപിള്‍ ജിനോം സ്വീക്വീന്‍സിങിനും വേധയമാക്കി.പിന്നാലെയാണ് ഫലം പോസിറ്റീ വായത്.
നിലവില്‍ രാജ്യത്ത് ഏറ്റവും കൂടുതല്‍ ഒമൈക്രോണ്‍ ബാധിതര്‍ മഹാരാഷ്ട്രയിലാണ്.17 പേര്‍ക്കാണ് സം സ്ഥാനത്ത് രോഗികള്‍. ഡല്‍ഹി, രാജസ്ഥാന്‍, ഗുജറാത്ത്, കര്‍ണാടക എന്നീ സംസ്ഥാനങ്ങളിലും നില വില്‍ ഒമൈക്രോണ്‍ ബാധിതരുണ്ട്.
