കോവിഡ് സാഹചര്യം കൈകാര്യം ചെയ്യുന്നതില് കേന്ദ്ര സര്ക്കാരിനെ വിമര്ശിക്കുന്ന ട്വീറ്റുകള് ഇന്ത്യയുടെ ഐടി നിയമത്തിന്റെ ലംഘന മാണെന്ന് ചൂണ്ടിക്കാട്ടിയാണ് കേന്ദ്ര സര്ക്കാര് ട്വിറ്ററിന് നോട്ടീസയച്ചിരിക്കുന്നത്. ഇന്ത്യന് ഐടി ആക്ട് 2000 പ്രകാരം ട്വിറ്ററിന് റഫറന്സ് നല്കിയിട്ടുണ്ട്.
ന്യൂഡല്ഹി: കോവിഡ് കൈകാര്യം ചെയ്യുന്നതില് കേന്ദ്രസര്ക്കാരിന്റെ ഭാഗത്തുനിന്നുണ്ടായ വീഴ്ച കള് പരാമര്ശിക്കുന്ന ട്വീറ്റുകള് നീക്കം ചെയ്യ ണമെന്ന് സര്ക്കാര് ട്വിറ്ററിനോട് ആവശ്യപ്പെട്ടതായി റിപ്പോര്ട്ടുകള്. രാജ്യത്ത് കൊവിഡ് വ്യാപനം രൂക്ഷമായ സാഹചര്യത്തില് സര്ക്കാരിനെ വിമര് ശി ക്കുന്ന ട്വീറ്റുകള് നീക്കം ചെയ്യണമെന്നാണ് നിര്ദേശം. കേന്ദ്ര സര്ക്കാരിനെ വിമര്ശിക്കുന്ന ഡസന് കണക്കിന് ട്വീറ്റുകള് എടുത്തുമാറ്റ ണമെന്നാണ് സര്ക്കാര് സോഷ്യല് മീഡിയ പ്ലാറ്റ്ഫോമായ ട്വിറ്ററി നോട് ആവശ്യപ്പെട്ടത്.
സര്ക്കാരിനെ വിമര്ശിക്കുന്ന ട്വീറ്റുകള് ഇന്ത്യയുടെ ഐടി നിയമത്തിന്റെ ലംഘനമാണെന്ന് ചൂണ്ടി ക്കാട്ടിയാണ് കേന്ദ്ര സര്ക്കാര് ട്വിറ്ററിന് നോട്ടീസ് അയച്ചത്. ഇന്ത്യന് ഐടി ആക്ട് 2000 പ്രകാരം ട്വിറ്റ റിന് റഫറന്സ് നല്കിയിട്ടുണ്ട്. അന്പതോളം ട്വീറ്റുകള്ക്കെതിരെ നടപടി വേണമെന്ന ആവശ്യ മാണ് കേന്ദ്രം ആവശ്യപ്പെട്ടിരിക്കുന്നത്. കോവിഡ് രോഗികള്ക്ക് ആവശ്യമായ ചികിത്സയും അടിയ ന്തര സഹായവും ലഭ്യമാക്കാത്തത് ചൂണ്ടി ക്കാണിച്ചും വിമര്ശിച്ചുമുള്ള ട്വീറ്റുകളാണ് പലതും.
സര്ക്കാരിന്റെ നിയമപരമായ അഭ്യര്ത്ഥനയെത്തുടര്ന്ന് ട്വീറ്റുകള് തടഞ്ഞുവെച്ചിട്ടുണ്ടെന്ന് കമ്പനി വക്താവ് റോയിട്ടേഴ്സിനോട് പറഞ്ഞു. പാര്ലമെന്റ് അംഗങ്ങള്, സംസ്ഥാന മന്ത്രിമാര്, ചില സിനിമാ താരങ്ങള് എന്നിവരുടെ ട്വീറ്റുകള് ട്വിറ്റര് ബ്ലോക്ക് ചെയ്തിട്ടുണ്ട്. അതേസമയം കോവിഡ് നേരിടു ന്ന തില് മോദി സര്ക്കാരിന് സംഭവിച്ച വീഴ്ചകള് ചൂണ്ടിക്കാട്ടി അന്തര്ദേശീയ മാധ്യമങ്ങള് വാര്ത്തകള് റിപ്പോര്ട്ട് ചെയ്തിരുന്നു.
