ദുബായ്∙ദുബൈയിൽ വിസാ സേവനങ്ങൾക്ക് അപേക്ഷിക്കുമ്പോൾ വ്യക്തമായ വിവരങ്ങൾ തന്നെ നൽകാൻ ശ്രദ്ധിക്കണമെന്ന് ജനറൽ ഡയറക്ടറേറ്റ് ഓഫ് റസിഡൻസി ആൻഡ് ഫോറിനേഴ്സ് അഫയേഴ്സ് (ജിഡിആർഎഫ്എ ദുബായ്) ഡയറക്ടർ ജനറൽ മേജർ ജനറൽ മുഹമ്മദ് അഹ്മദ് റാഷിദ് അൽ മറി പൊതുജനങ്ങളെ ഓർമ്മപ്പെടുത്തി.വകുപ്പിന്റെ സ്മാർട്ട് ചാനൽ, ദുബൈയിലെ ആമർ സെന്ററുകൾ എന്നിവയിലൂടെ സേവനങ്ങൾ തേടുന്നവർ
അവ്യക്തമായ വിവരങ്ങളും, മേൽവിലാസങ്ങളും നൽകിയാൽ തുടർ നടപടികൾക്ക് കാലതാമസം വരുന്നുണ്ട്. ഇത്തരത്തിലുള്ള ഒരു കാലതാമസം ഒഴിവാക്കാനാൻ വേണ്ടിയാണ് ഇക്കാര്യത്തിൽ ശ്രദ്ധിക്കണമെന്ന് വകുപ്പ് വീണ്ടും വീണ്ടും ഓർമിപ്പിക്കുന്നത്. ശരിയായ വിവരങ്ങൾ വിസ നടപടികൾ കൂടുതൽ വേഗത്തിലാക്കുമെന്ന് അദ്ദേഹം വ്യക്തമാക്കി
എമിഗ്രേഷൻ ഡിപ്പാർട്ട്മെന്റിലേക്ക് സമർപ്പിക്കുന്ന രേഖകളിൽ ശരിയായ മേൽവിലാസങ്ങൾ, ഇമെയിൽ ഐഡി, മൊബൈൽ നമ്പർ, മറ്റുവിവരങ്ങൾ എല്ലാം കൃത്യമാണെന്ന് അപേക്ഷ ടൈപ്പ് ചെയ്തതിന് ശേഷം പരിശോധിച്ചു ഉറപ്പുവരുത്തണം. ഒപ്പം തന്നെ നൽകിയ പാസ്പോർട്ട് പേരിലെ വരികൾക്കിടയിലെ സാമ്യത.പാസ്പ്പോർട്ട് നമ്പർ,ജനന തിയതി എല്ലാം ഒർജിനൽ രേഖകളിൽ ഉള്ളത് തന്നെയാണെന്ന് വീണ്ടും വീണ്ടും ഉറപ്പുവരുത്തുകയും വേണം.എന്നിട്ട് മാത്രമേ അപേക്ഷകൾ വകുപ്പിലേക്ക് സമർപ്പിക്കാവുയെന്ന് ദുബൈ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് അധിക്യതർ ഓർമ്മപ്പെടുത്തി
അപേക്ഷകൻ നൽകിയ വിവരങ്ങൾക്ക് അനുസരിച്ചാണ് തുടർ നടപടിയുടെ ഓരോ ഘട്ടവും വകുപ്പ് ഉപയോക്താകളെ അറിയിക്കുന്നത്. അത് കൊണ്ട് തന്നെ അപേക്ഷിച്ച വിവരങ്ങൾ ശരിയാണെന്ന് സേവനം തേടുന്നവർ എപ്പോഴും ശ്രദ്ധിക്കണം. കൊവിഡിന്റെ പശ്ചാത്തലത്തിലും, ഏറ്റവും വേഗത്തിലാണ് ദുബായിൽ വിസ നടപടികൾ പൂർത്തിയാക്കി നൽകുന്നത്.
ജനങ്ങൾക്ക് സന്തോഷകരമായ സേവനങ്ങൾ നൽകാനാണ് ജിഡിആർഎഫ്എ ദുബൈ എപ്പോയും ശ്രദ്ധിക്കുന്നത്. ചില സമയങ്ങളിൽ ഉപയോക്താക്കൾ നൽകിയ തെറ്റായ വിവരങ്ങളുടെ അടിസ്ഥാനത്തിൽ ലഭിക്കുന്ന അപേക്ഷകൾക്ക് മേൽ നടപടികൾക്ക് കാലതാമസം വരുന്നുണ്ട്. അതുകൊണ്ടു തന്നെ ഇക്കാര്യത്തിൽ അപേക്ഷകൻ കൂടുതൽ ശ്രദ്ധിക്കണമെന്ന് മേജർ ജനറൽ പറഞ്ഞു. മേൽവിലാസം ശരിയാണെന്ന് ഉറപ്പുവരുത്തേണ്ടത് ഉപഭോക്താക്കളുടെ ഉത്തരാവത്വത്തമാണ് എന്നാണ് ദുബൈ എമിഗ്രേഷൻ അറിയിച്ചിരിക്കുന്നത്
