ജൂണ് 29 വൈകീട്ട് ആറിന് എംബസി ഹാളില് നടക്കുന്ന പരിപാടിയില് ഗാര്ഹിക തൊഴിലാളി റിക്രൂട്ട്മെന്റ് ചര്ച്ച ചെയ്യും
കുവൈത്ത് സിറ്റി : ഇന്ത്യന് എംബസിയുടെ നേതൃത്വത്തില് ജൂണ് 29 ന് വൈകീട്ട് ആറിന് ഓപണ് ഹൗസ് നടക്കും. ഇന്ത്യന് എംബസി ഹാളില് നടക്കുന്ന പരിപാടിയില് ഗാര്ഹിക തൊഴിലാളി റിക്രൂട്ട്മെന്റും ക്ഷേമവും എന്ന വിഷയത്തില് ചര്ച്ച നടക്കും.
ഇന്ത്യയും കുവൈത്തും തമ്മില് ഒപ്പുവെച്ച ഗാര്ഹിക തൊഴിലാളി റിക്രൂട്ട്മെന്റ് കരാര് അടിസ്ഥാനമാക്കിയാണ് വിഷയം ചര്ച്ച ചെയ്യുന്നത്.
തൊഴില് സുരക്ഷ, നിയമ സഹായം, 24 മണിക്കൂറും പ്രവര്ത്തിക്കുന്ന ഹെല്പ് ലൈന്, പരാതികളില്മേല് സമയബന്ധിത നടപടി എന്നിവയെല്ലാം ചര്ച്ച ചെയ്യും.
ഓപണ് ഹൗസില് ഉന്നയിക്കാന് ഉദ്ദേശിക്കുന്ന പ്രത്യേക വിഷയങ്ങള് മുന്കൂറായി എംബസിയുടെ ഇമെയില് വിലാസത്തില് അയച്ച് അനുമതി വാങ്ങിക്കണം.
പേര്, പാസ്പോര്ട്ട് നമ്പര്, സിവില് ഐഡി, മൊബൈല് നമ്പര് എന്നീ വിവരങ്ങളും സഹിതമാണ് മെയില് അയയ്ക്കേണ്ടത്.
ഇന്ത്യന് എംബസിയുടെ ആഭിമുഖ്യത്തില് പ്രശ്ന പരിഹാരങ്ങള്ക്കായാണ് ഓപണ് ഹൗസ് സംഘടിപ്പിക്കുന്നത്. എംബസി ആസ്ഥാനം കൂടാതെ വിവിധ സ്ഥലങ്ങളില് ഓപണ് ഹൗസ് ആഴ്ച തോറും സംഘടിപ്പിക്കാറുണ്ട്.
