നിലത്ത് മുട്ടുകുത്തി നിര്‍ത്തി ആണ്‍കുട്ടിയെ വടി കൊണ്ട് തല്ലുകയും തുടര്‍ച്ചയായി ചവിട്ടു കയും ചെയ്യുന്നതിന്റെ ദൃശ്യങ്ങളാണ് പുറത്തുവന്നത്. 12-ാം ക്ലാസ് വിദ്യാര്‍ത്ഥിയാണ് അധ്യാപകന്റെ ക്രൂരമായി മര്‍ദ്ദനത്തിനിരയായത്
ചെന്നൈ:ക്ലാസ് മുറിയില്‍ വിദ്യാര്‍ത്ഥിയെ ക്രൂരമായി തല്ലുന്ന അധ്യാപകന്റെ ദൃശ്യങ്ങള്‍ പുറത്ത്. തമിഴ്നാട് ചിദംബരത്ത് സര്‍ക്കാര്‍ സ്‌കൂളിലാണ് വിദ്യാര്‍ത്ഥി അധ്യാപകന്റെ ക്രൂരമര്‍ദനത്തിനിരയായത്. അടികൊണ്ട് താഴെ വീണ ആണ്‍കുട്ടിയെ വടി കൊണ്ട് തല്ലുകയും ചവിട്ടുകയും ചെയ്യുന്നതിന്റെ ദൃശ്യങ്ങളാണ് പുറത്തുവന്നത്. ക്ലാസിലെ മറ്റു കുട്ടികളാണ് മൊബൈല്‍ ക്യാമറയില്‍ ദൃശ്യങ്ങള്‍ പകര്‍ത്തിയത്.
12-ാം ക്ലാസ് വിദ്യാര്‍ത്ഥിയെയാണ് അധ്യാപകന്‍ ക്രൂരമായി മര്‍ദിച്ചത്. ക്ലാസില്‍ കൃത്യമായി വരാത്തതാണ് പ്രകോപനത്തിന് കാരണമെന്നാണ് റിപ്പോര്‍ട്ടുകള്‍. 500ലധികം വിദ്യാര്‍ത്ഥികള്‍ പഠിക്കുന്ന സ്‌കൂളില്‍ അധ്യാപകനെതിരെ പ്രതിഷേധം ഉയരുകയാണ്. അധ്യാപകനെതിരെ നടപടി സ്വീകരിക്കണമെന്ന ആവശ്യവും ഉയരുന്നുണ്ട്.
Government Nandanar Boys Higher Secondary School, Chidambaram
This happened just before lunch break today. pic.twitter.com/ziAf1gy2Op
— 😇 (@Velulights6) October 13, 2021
