English മലയാളം

Blog

T.N-KRISH

 

ന്യൂഡല്‍ഹി: പ്രശസ്ത വയലിനിസ്റ്റ് ടി.എന്‍ കൃഷ്ണന്റെ നിര്യാണത്തില്‍ പ്രധാനമന്ത്രി ശ്രീ. നരേന്ദ്ര മോദി ദുഖം രേഖപ്പെടുത്തി. ‘പ്രശസ്ത വയലിനിസ്റ്റ് ശ്രീ. ടി.എന്‍ കൃഷ്ണന്റെ നിര്യാണം സംഗീത ലോകത്ത് വലിയൊരു ശൂന്യതയാണ് സൃഷ്ടിച്ചിരിക്കുന്നത്. നമ്മുടെ സംസ്‌കാരത്തിന്റെ വ്യത്യസ്ത തലങ്ങളിലുള്ള വികാരങ്ങളും ഇഴകളും അദ്ദേഹം തന്റെ സൃഷ്ടികളില്‍ മനോഹരമായി സ്വാംശീകരിച്ചു. യുവ സംഗീതജ്ഞര്‍ക്ക് അദ്ദേഹം മികച്ച ഒരു മാര്‍ഗദര്‍ശിയുമായിരുന്നു. അദ്ദേഹത്തിന്റെ കുടുംബത്തിനും ആരാധകര്‍ക്കും അനുശോചനങ്ങള്‍’- പ്രധാനമന്ത്രി പറഞ്ഞു.

വാര്‍ധക്യ സഹജമായ അസുഖങ്ങളെ തുടര്‍ന്നാണ് വയലിനിസ്റ്റും പത്മഭൂഷണ്‍ ജേതാവുമായി പ്രൊഫ. ടി.എന്‍ കൃഷ്ണന്‍ (92)അന്തരിച്ചത്. രാജ്യത്തിനകത്തും പുറത്തുമായി ഇരുപതിനായിരത്തിലധികം കച്ചേരികള്‍ അദ്ദേഹം നടത്തിയിട്ടുണ്ട്.

Also read:  സഹകരണ ഫെഡറലിസം പെരുവഴിയിലാവുമ്പോള്‍...

ചെമ്പൈ വൈദ്യനാഥ ഭാഗവതര്‍, അരിയക്കുടി രാമാനുജ അയ്യങ്കാര്‍, ശെമ്മാക്കുടി ശ്രീനിവാസയ്യര്‍, മുസിരി സുബ്രഹ്‌മണ്യയ്യര്‍, മധുരൈ മണി അയ്യര്‍ തുടങ്ങിയ പ്രമുഖര്‍ക്കെല്ലാം വയലിന്‍ വായിച്ചിട്ടുണ്ട്. കേന്ദ്രസംഗീത നാടക അക്കാദമി ചെയര്‍മാന്‍ സ്ഥാനം അദ്ദേഹം വഹിച്ചിട്ടുണ്ട്.