ന്യൂഡല്ഹി: രാജ്യത്തിന്റെ പുതിയ പാര്ലമെന്റ് മന്ദിരത്തിന് പ്രധാനമന്ത്രി നരേന്ദ്രമോദി ഇന്ന് തറക്കല്ലിടും. ഭൂമി പൂജയോടെ ഉച്ചയ്ക്ക് ഒരുമണിക്കാണ് ചടങ്ങ്. സെന്ട്രല് വിസ്ത പദ്ധതി പ്രകാരം നിലവിലുള്ള പാര്ലമെന്റ് മന്ദിരത്തിന് സമീപമായാണ് പുതിയതും നിര്മ്മിക്കുന്നത്.
971 കോടി രൂപ ചെലവില് 64,500 ചതുരശ്ര മീറ്ററിലാണ് നിര്മാണ പ്രവൃത്തികള് നടക്കുക. 2022 ഓടെ നിര്മാണം പൂര്ത്തിയാക്കാനാണ് ഉദ്ദേശിക്കുന്നത്. ടാറ്റാ പ്രോജക്ട്സ് ലിമിറ്റഡിനാണ് നിര്മാണ കരാര്.
അതേസമയം തറക്കില്ലിടാന് അനുമതി നല്കിയെങ്കിലും പദ്ധതിയെ എതിര്ക്കുന്ന ഹര്ജികളില് തീര്പ്പാകും വരെ നിലവിലുള്ള കെട്ടിടങ്ങള് പൊളിക്കുകയോ, മരങ്ങള് വെട്ടിമാറ്റുകയോ ചെയ്യരുതെന്ന് കേന്ദ്രത്തിന് സുപ്രീംകോടതിയുടെ നിര്ദേശമുണ്ട്.
