ന്യൂഡല്ഹി: സ്റ്റാച്യൂ ഓഫ് യൂണിറ്റിയുടെ സുരക്ഷാ ചുമതല സെന്ട്രല് ഇന്ഡസ്ട്രിയല് സെക്യൂരിറ്റി ഫോഴ്സ് (സിഐഎസ്എഫ്) ഏറ്റെടുത്തു. പ്രതിമയുടെ പ്രാധാന്യവും ഭീകരാക്രമണ സാധ്യതയും പരിഗണിച്ചാണ് നടപടി.
സുരക്ഷയ്ക്കായി ആകെ 350 ജീവനക്കാരെ നിയോഗിക്കാനാണ് തീരുമാനം. ഇതിന്റെ ആദ്യഘട്ടമായി 272 ജീവനക്കാരെ നിയോഗിച്ചു. ഡെപ്യൂട്ടി കമാന്ഡന്റ് റാങ്കിലുള്ള ഓഫിസര്ക്കായിരിക്കും സുരക്ഷാ ചുമതല. റൗണ്ട് ദി ക്ലോക്ക് സുരക്ഷയായിരിക്കും പ്രതിമയ്ക്ക് ഒരുക്കുകയെന്ന് സിഐഎസ്എഫ് വ്യക്തമാക്കി.
ഇന്ത്യയുടെ ആദ്യത്തെ ആഭ്യന്തര മന്ത്രി സര്ദാര് വല്ലഭായ് പട്ടേലിന്റെ പ്രതിമയാണ് സ്റ്റാച്യൂ ഓഫ് യൂണിറ്റി. 182 മീറ്റര് ഉയരമുള്ള സ്റ്റാച്യൂ ഓഫ് യൂണിറ്റി ഗുജറാത്തിലെ സര്ദാര് സരോവര് ഡാമിന് അഭിമുഖമായാണ് സ്ഥാപിച്ചിരിക്കുന്നത്.
