തിരുവനന്തപുരം: എയ്ഡഡ് സ്കൂള് അധ്യാപകര്ക്ക് ഇനി മുതല് തെരഞ്ഞെടുപ്പില് മത്സരിക്കാനാകില്ല. അധ്യാപകര്ക്ക് മത്സരിക്കാമെന്ന നിലവിലുള്ള ചട്ടം ഹൈക്കോടതി റദ്ദാക്കി.
വിദ്യാഭ്യാസ അവകാശ നിയമത്തിന് വിരുദ്ധമാണ് അധ്യാപകര് മത്സരിക്കുന്ന ചട്ടമെന്ന് ചൂണ്ടിക്കാട്ടിയാണ് കോടതി നടപടി. കഴിഞ്ഞ പത്ത് വര്ഷമായി ഹൈക്കോടതിയുടെ പരിഗണനയിലുള്ള കേസിലാണ് ചീഫ് ജസ്റ്റിസ് അധ്യക്ഷനായ ഡിവിഷന് ബെഞ്ച് നിര്ണായകമായ ഉത്തരവ് പുറപ്പെടുവിച്ചിരിക്കുന്നത്.
Also read: അവിഹിത ബന്ധമെന്ന് സംശയം; പട്ടാപ്പകല് ഭാര്യയെ ആസിഡ് ഒഴിച്ചു കൊന്നു,ഭര്ത്താവ് അറസ്റ്റില്
1951-ലെ നിയമസഭാ ചട്ടത്തിലാണ് ഹൈക്കോടതി ഇടപ്പെട്ടിരിക്കുന്നത്. ഇതോടെ തദ്ദേശ തെരഞ്ഞെടുപ്പിലും നിയമസഭാ തെരഞ്ഞെടുപ്പിലും എയ്ഡഡ് സ്കൂള് അധ്യാപകര്ക്ക് മത്സരിക്കാന് സാധിക്കാതെ വരും.
നിലവില് തെരഞ്ഞെടുക്കപ്പെട്ട ജനപ്രതിനിധികള്ക്ക് ഈ ഉത്തരവ് ബാധകമാവില്ലെന്ന് ചീഫ് ജസ്റ്റീസ് ഉത്തരവില് വ്യക്തമാക്കിയിട്ടുണ്ട്.
