മലപ്പുറം: വളാഞ്ചേരി വട്ടപ്പാറ വളവില്‍ ലോറി മറിഞ്ഞ് രണ്ട് മരണം. വാഹനത്തിന്റെ ഡ്രൈവര്‍ ശബരി(34) എന്ന മുത്തുകുമാറും സഹായി അയ്യപ്പനുമാണ്(45 അപകടത്തില്‍ മരിച്ചത്. തിരൂരില്‍ നിന്നും പൊള്ളാച്ചിയിലേക്ക് പോയ ലോറിയാണ് അപകടത്തില്‍പ്പെട്ടത്. അയ്യപ്പന്‍ മലമ്പുഴ സ്വദേശിയും ശബരി തമിഴ്‌നാട് മധുകര സ്വദേശിയമാണ്.
നിര്‍മാണ പ്രവര്‍ത്തികള്‍ക്ക് ഉപയോഗിക്കുന്ന കമ്പിയാണ് ലോറിയിലുണ്ടായിരുന്നത്. മുപ്പതടി താഴ്ചയിലേക്ക് വീണ ലോറിയില്‍ നിന്ന് നീണ്ട നേരത്തെ പരിശ്രമത്തിനൊടുവിലാണ് ഡ്രൈവറെയും സഹായിയെയും പുറത്തെടുത്തത്. പോലീസും, നാട്ടുകാരും ചേര്‍ന്ന് നാലര മണിക്കൂര്‍ നീണ്ട രക്ഷാപ്രവര്‍ത്തനം നടത്തിയെങ്കിലും ജീവന്‍ രക്ഷിക്കാനായില്ല. സ്ഥിരം അപകട മേഖലയാണ് ഈ പ്രദേശം.
