തിരുവനന്തപുരം: ലൈഫ് മിഷന്‍ ഫയലുകള്‍ വിജിലന്‍സ് ശേഖരിച്ചത് ചട്ടവിരുദ്ധമെന്ന് നിയമവിദഗ്ധര്‍. പ്രാഥമിക പരിശോധനയില്‍ ഫയലുകള്‍ കസ്റ്റഡിയിലെടുക്കാന്‍ അധികാരമില്ല. ആവശ്യമെങ്കില്‍ പകര്‍പ്പ് മാത്രമെടുക്കാം. കേസില്‍ എഫ്‌ഐആര്‍ ഇട്ടശേഷം മഹസര്‍ എഴുതി മാത്രമേ ഫയലുകള്‍ ഏറ്റെടുക്കാനാകൂയെന്നും മുന്‍ വിജിലന്‍സ് അഡീഷണര്‍ ഡയറക്ടര്‍ ഓഫ് പ്രോസിക്യൂഷന്‍ ശശീന്ദ്രന്‍ പറഞ്ഞു.
അതേസമയം, ലൈഫ് മിഷന്‍ സിബിഐ അന്വേഷണത്തില്‍ തിരുവനന്തപുരം യൂണിറ്റിലെ ഉദ്യോഗസ്ഥരെയും ഉള്‍പ്പെടുത്തി. തിരുവനന്തപുരം യൂണിറ്റിലെ ഡിവൈഎസ്പി ഉള്‍പ്പെടെ രണ്ട് ഉദ്യോഗസ്ഥരെ അന്വേഷണ സംഘത്തില്‍ ഉള്‍പ്പെടുത്തും. തിരുവനന്തപുരം കേന്ദ്രമാക്കിയുള്ള അന്വേഷണം ഊര്‍ജിതമാക്കാനാണ് അന്വേഷണ സംഘം വിപുലീകരിച്ചത്.
