English हिंदी

Blog

vellapally

ആലപ്പുഴ: കൊല്ലം എസ്എന്‍ കോളേജ് സുവര്‍ണ ജൂബിലി ഫണ്ട് തട്ടിപ്പ് കേസില്‍ എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശനെ ക്രൈംബ്രാഞ്ച് വീണ്ടും ചോദ്യം ചെയ്യും. കണിച്ചുക്കുളങ്ങരയിലെ വസതിയില്‍ രാവിലെ 11 മണിക്ക് ശേഷമാണ് ചോദ്യം ചെയ്യല്‍.

Also read:  മുഖ്യമന്ത്രിക്കെതിരെ ആരോപണമുയര്‍ത്തി കെ.സുരേന്ദ്രൻ

കേസ് ജൂലൈ 8-ന് പരിഗണിച്ച ഹൈക്കോടതി രണ്ടാഴ്ച്ചയ്ക്കകം കുറ്റപത്രം സമര്‍പ്പിക്കാനാണ് ക്രൈംബ്രാഞ്ചിന് നിര്‍ദേശം നല്‍കിയത്. സമയപരിധി ബുധനാഴ്ച്ച അവസാനിക്കാനിരിക്കെയാണ് ക്രൈംബ്രാഞ്ചിന്റെ നടപടി.

Also read:  കളമശേരിയിൽ കണ്ടെയിന്‍മെന്‍റ് സോൺ; ലുലു മാൾ താത്കാലികമായി അടച്ചു

1997-98 കാലഘട്ടത്തില്‍ എസ്എന്‍ കോളേജ് ജൂബിലി ആഘോഷങ്ങളുടെ ഭാഗമായി പിരിച്ചടുത്ത ഫണ്ട് വകമാറ്റിയെന്നാണ് കേസ്. പിരിച്ചെടുത്ത ഒരുകോടിയില്‍ അധികം രൂപയില്‍ 55 ലക്ഷം രൂപ ആഘോഷ കമ്മിറ്റിയുടെ കണ്‍വീനറായിരുന്ന വെള്ളാപ്പള്ളി നടേശന്‍ വകമാറ്റിയെന്ന് എസ്എന്‍ ട്രസ്റ്റ് അംഗമായിരുന്ന എസ്.സുരേന്ദ്രബാബു പരാതിയില്‍ പറയുന്നു.