English हिंदी

Blog

covid test

തിരുവനന്തപുരം: സംസ്ഥാനത്തെ കോവിഡ് വ്യാപനം രണ്ടാഴ്ചക്കുളളില്‍ നിയന്ത്രിക്കണമെന്ന് ചീഫ് സെക്രട്ടറി. ആഭ്യന്തര സെക്രട്ടറിയ്ക്കും ഡിജിപിയ്ക്കും നല്‍കിയ കത്തിലാണ് സമയക്രമത്തെ കുറിച്ച് പറഞ്ഞിരിക്കുന്നത്. രണ്ടാഴ്ചയ്ക്കുളളില്‍ കോവിഡ് വ്യാപനം നിയന്ത്രിക്കണമെന്ന മുഖ്യമന്ത്രിയുടെ നിര്‍ദേശത്തെ തുടര്‍ന്നാണ് ചീഫ് സെക്രട്ടറി സമയക്രമത്തെ കുറിച്ച് കത്ത് നല്‍കിയത്.

Also read:  നടിയെ ആക്രമിച്ച കേസ്; പിടി തോമസ് എംഎല്‍എയുടെ സാക്ഷി വിസ്താരം ഇന്നും തുടരും

സംസ്ഥാനത്ത് ദിനംപ്രതി കോവിഡ് കോസുകളുടെ എണ്ണം വര്‍ധിച്ചു കൊണ്ടിരിക്കുകയാണ്. കോവിഡ് കേസുകളില്‍ ഏറ്റവും കൂടുതല്‍ സമ്പര്‍ക്ക രോഗികളാണുളളത്. ഈ സാഹചര്യത്തിലാണ് കോവിഡ് വ്യാപനം രണ്ടാഴ്ചയ്ക്കുളളില്‍ നിയന്ത്രിക്കണമെന്ന്് മുഖ്യമന്ത്രിയുടെ നിര്‍ദേശം. കോവിഡ് പ്രതിരോധ പ്രവര്‍ത്തനങ്ങള്‍ക്ക് ജില്ലാ പോലീസ് മേധാവിമാര്‍ നേതൃത്വം നല്‍കണമെന്നും മുഖ്യമന്ത്രി നിര്‍ദേശിച്ചിട്ടുണ്ട്. പ്രതിരോധ പ്രവര്‍ത്തനങ്ങള്‍ക്ക് ജില്ലാ പോലീസ് മേധാവിമാര്‍ക്കാണ് മുന്‍ഗണനയെന്ന് ചീഫ് സെക്രട്ടറിയും വ്യക്തമാക്കിയിട്ടുണ്ട്. പ്രതിരോധ പ്രവര്‍ത്തനങ്ങള്‍ പോലീസിനെ ഏല്‍പ്പിച്ചതില്‍ നിരവധി വിമര്‍ശനങ്ങള്‍ ഉയര്‍ന്നു വന്നിരുന്നു. സര്‍ക്കാരിന്റെ ഈ നടപടിയില്‍ കളക്ടര്‍മാരും അതൃപ്തി അറിയിച്ചിരുന്നു.