കാസര്ഗോഡ്: ഫാഷന് ഗോള്ഡ് ജ്വല്ലറി തട്ടിപ്പ് കേസില് ജയിലില് കഴിയുന്ന മഞ്ചേശ്വരം എംഎല്എ എം.സി കമറുദ്ദീന് ഇന്ന് ജയില് മോചിതനാകും. മുഴുവന് കേസുകളിലും ജാമ്യം കിട്ടിയതോടെയാണ് എംഎല്എ പുറത്തിറങ്ങുന്നത്. 93 ദിവസമായി കണ്ണൂര് സെന്ട്രല് ജയിലില് റിമാന്ഡിലാണ് ഇദ്ദേഹം.
ഹൊസ്ദുര്ഗ് മജിസ്ട്രേറ്റ് കോടതിയുടെ പരിഗണനയിലുണ്ടായിരുന്ന ആറ് കേസുകളില് കുടി ഇന്നലെ ജാമ്യം കിട്ടിയതോടെയാണ് കമറുദ്ദീന്റെ ജയില് മോചനത്തിന് വഴിയൊരുങ്ങിയത്. 142 വഞ്ചന കേസുകളിലാണ് ഇതിനകം എംഎല്എക്ക് ജാമ്യം കിട്ടിയത്.
അതേസമയം തൃശ്ശൂര് ജില്ലയില് രജിസ്റ്റര് ചെയ്ത കേസുകളില് ഇതുവരെ അറസ്റ്റ് രേഖപ്പെടുത്തിയിട്ടില്ല. വഞ്ചന കേസുകളില് എംഎല്എയുടെ കൂട്ടുപ്രതിയും ജ്വല്ലറി എംഡിയുമായ പൂക്കോയ തങ്ങള് ഇപ്പോഴും ഒളിവില് തുടരുകയാണ്.
