ഒമാന്‍ അമ്പതാമത് ദേശീയ ദിനാഘോഷം ആഘോഷിക്കുന്ന വേളയില്‍, പ്രധാനമന്ത്രി നരേന്ദ്ര മോദി, രാഷ്ട്രപതി റാം നാഥ് കോവിന്ദ്,വിദേശകാര്യ വകുപ്പ് മന്ത്രി എസ്. ജയശങ്കര്‍ തുടങ്ങിയവര്‍ സുല്‍ത്താന്‍ ഹൈതം ബിന്‍ താരിഖിനെ ആശംസകളറിയിച്ചു. സുല്‍ത്താനേറ്റുമായി പതിറ്റാണ്ടുകള്‍ നീണ്ടു നില്‍ക്കുന്ന ഇന്ത്യയുടെ സൗഹൃദത്തില്‍ സന്തോഷമുണ്ടെന്നും, വരും കാലങ്ങളില്‍ ഇരു രാജ്യങ്ങള്‍ക്കുമിടയില്‍ കൂടുതല്‍ സജീവമായ ഇടപെടലുകള്‍ ഉണ്ടാകുമെന്ന് പ്രതീക്ഷിക്കുന്നതായും പ്രസിഡന്റ് വ്യക്തമാക്കി.
2018ല്‍ ഒമാന്‍ സന്ദര്‍ശിച്ച അനുഭവങ്ങള്‍ പങ്കു വെച്ചു കൊണ്ടായിരുന്നു പ്രധാനമന്ത്രിയുടെ ആശംസ പ്രസ്താവന. സുല്‍ത്താന്‍ ഖാബൂസ് ബിന്‍ സെയ്ദുമായുള്ള കൂടിക്കാഴ്ചയുടെ അവിസ്മരണീയമായ ഓര്‍മ്മകളും അദ്ദേഹം പങ്കു വെച്ചു. ലോക രാഷ്ടീയ നേതാക്കളും ഒമാന്‍ ഭരണാധികാരിക്ക്് ആശംസകളറിയിച്ചു
