ആലുവക്കടുത്ത് എടത്തലയില് ചുഴലിക്കാറ്റ് അനുഭവപ്പെട്ടു. ഇന്ന് രാവിലെ എട്ട് മണിക്കായിരുന്നു ചെറിയ ചുഴലിക്കാറ്റ് അടിച്ചത്. ചുഴലിക്കാറ്റില്പ്പെട്ട് റോഡില് പാര്ക്ക് ചെയ്തിരുന്ന ഏതാനും വാഹനങ്ങള് കാറ്റില് തലകീഴായി മറിഞ്ഞു. നിരവധി മരങ്ങളും പോസ്റ്റുകളും ഒടിഞ്ഞു വീണു. കേബിള് കണക്ഷനുകളും വൈദ്യുതി ബന്ധവും പലയിടങ്ങളിലും തടസ്സപ്പെട്ടു.
Also read: ആന എഴുന്നള്ളിപ്പിനും മറ്റും കർശന നിയന്ത്രണങ്ങൾ ശുപാർശ ചെയ്ത് അമിക്കസ് ക്യൂറി റിപ്പോർട്ട്.
അതേസമയം, കനത്ത മഴ തുടരുന്ന കണ്ണൂരില്, മലയോര മേഖലകളില് രാത്രി ഏഴുമണി മുതല് രാവിലെ ഏഴുവരെ ഗതാഗതം നിരോധിച്ചു. ഇരിട്ടി പുഴയില് ജലനിരപ്പ് ഉയരുന്നതിനാല് പുഴയോരത്ത് താമസിക്കുന്നവരോട് ബന്ധുവീടുകളിലേക്ക് മാറി താമസിക്കാന് ആവശ്യപ്പെട്ടു. ഉരുള്പ്പൊട്ടല് , മണ്ണിടിച്ചില് സാധ്യതയുള്ള ജില്ലകളില് നിന്ന് ആളുകളെ ഒഴിപ്പിച്ചു തുടങ്ങി.
