തിരുവനന്തപുരം: സൈബര് കുറ്റകൃത്യങ്ങള് ഉള്പ്പെടുത്തി കേരള പോലീസ് ആക്ടില് ഭേദഗതി വരുത്തണമെന്ന ശുപാര്ശയുമായി സംസ്ഥാന പോലീസ് മേധാവി ലോക്നാഥ് ബഹ്റ. സൈബര് ആക്രമണങ്ങള് വര്ദ്ധിക്കുന്ന സാഹചര്യത്തിലാണ് ഡിജിപിയുടെ ശുപാര്ശ.
ഇന്റര്നെറ്റ് വഴിയുള്ള ലൈംഗിക അധിക്ഷേപങ്ങള് മാത്രമല്ല തെറ്റായ ആക്ഷേപങ്ങളിലൂടെയുള്ള വ്യക്തിഹത്യകളും കുറ്റകരമാക്കുന്ന തരത്തിലുള്ള നിയമനിര്മ്മാണം വേണമെന്നാണ് ഡിജിപി ശുപാര്ശ ചെയ്തിരിക്കുന്നത്.
നിലവില് സൈബര് കേസുകളില് ഭൂരിപക്ഷം പ്രതികള്ക്കും പെട്ടെന്ന് ജാമ്യം ലഭിക്കുന്ന അവസ്ഥയാണുള്ളത്. ദൃശ്യങ്ങളും വാക്കുകളും ഉപയോഗിച്ചുള്ള ലൈംഗിക അധിക്ഷേപം ജാമ്യമില്ലാ കുറ്റമാക്കണമെന്നും തെറ്റായ ആരോപണങ്ങള് ഉന്നയിച്ച് അധിക്ഷേപം നടത്തുന്നവര്ക്ക് ശിക്ഷ ഉപ്പാക്കണമെന്നും ശുപാര്ശയില് പറയുന്നു.
സൈബര് കേസുകളില് കര്ശന നടപടികള്ക്ക് മതിയായ നിയമം കേന്ദ്ര ഐടി ആക്ടില് ഇല്ലെന്നും അതിനാല് കേരള പോലീസ് ആക്ടില് പുതിയ വകുപ്പുകള് ഉള്പ്പെടുത്തണമെന്നുമാണ് ഡിജിപിയുടെ ശുപാര്ശ.
