ഡല്ഹി: കേന്ദ്ര സര്ക്കാരിന്റെ കാര്ഷിക നിയമങ്ങള്ക്കെതിരെയുളള കര്ഷകരുടെ സമരം 24ാം ദിവസത്തിലേക്ക് കടന്നു. ഉത്തരേന്ത്യ കൊടും തണുപ്പിലേക്ക് കടന്നെങ്കിലും ദേശീയ പാതകള് ഉപരോധിച്ചു കൊണ്ടുളള ശക്തമായ പ്രതിഷേധം തുടരുകയാണ്. അതേസമയം സമരം കൂടുതല് കടുപ്പിക്കുന്നതിനെ കുറിച്ച് ആലോചിക്കാന് കര്ഷക സംഘടനകള് ഇന്ന് യോഗം ചേരും.
നിയമങ്ങള് പിന്വലിക്കില്ലെന്ന് ഇന്നലെ പ്രധാനമന്ത്രി നരേന്ദ്ര മോദി വ്യക്തമാക്കിയിരുന്നു.
മൂന്ന് നിയമങ്ങളും കാലഘട്ടത്തിന്റെ ആവ്യശ്യമാണെന്നും പ്രതിപക്ഷമാണ് കര്ഷകരെ ഭീഷണിപ്പെടുത്തി സമരത്തിനിറക്കുന്നതെന്നും കഴിഞ്ഞ ദിവസം പ്രധാനമന്ത്രി നരേന്ദ്ര മോദി കുറ്റപ്പെടുത്തിയിരുന്നു. എന്നാല് നിയമം പൂര്ണ്ണമായും പിന്വലിക്കാതെ സമരത്തില് നിന്ന് പിന്മാറില്ലെന്ന് കര്ഷകര് ആവര്ത്തിക്കുകയും ചെയ്തു. ആഗ്ര-ഡല്ഹി, ജയ്പൂര്-ഡല്ഹി ദേശീയ പാതകള്, ഹരിയാന-ഡല്ഹി അതിര്ത്തികള് എന്നിവ ഇപ്പോഴും കര്ഷകര് ഉപരോധിക്കുകയാണ്. സമരത്തില്നിടയില് മരിച്ചവര്ക്ക് ആദരാഞ്ജലി അര്പ്പിക്കാന് നാളെ ശ്രദ്ധാഞ്ജലി ദിനമായി ആചരിക്കും.
