English हिंदी

Blog

china covid-19

Web Desk

ബെയ്‌ജിങ്‌ : ചൈനയിലെ ബെയ്‌ജിങ്ങിൽ വീണ്ടും കൊവിഡ് വ്യാപനം. കൊവിഡ് വ്യാപനത്തെ തുടർന്ന് ഇവിടെ പത്ത് മേഖലകളില്‍ ലോക്ക്ഡൗണ്‍ പ്രഖ്യാപിച്ചു. ബെയ്‌ജിങ്ങിലെ രണ്ട് മാര്‍ക്കറ്റുകള്‍ കേന്ദ്രീകരിച്ചാണ് വൈറസ് വ്യാപനം ഉണ്ടായിരിക്കുന്നത്. മാര്‍ക്കറ്റ് കേന്ദ്രീകരിച്ച് ഇടപഴകിയ മുഴുവന്‍ ആളുകളിലും ദ്രുത പരിശോധന നടത്താനാണ് സർക്കാർ തീരുമാനം. ബെയ്‌ജിങ്ങിൽ ഇന്ന് മാത്രം 36 കേസുകളാണ് റിപ്പോര്‍ട്ട് ചെയ്തത്. ചൈനയില്‍ പുതുതായി 49 കേസുകളാണ് റിപ്പോർട്ട്‌ ചെയ്തത്.

Also read:  ശബരിമല തീര്‍ത്ഥാടക വാഹനങ്ങള്‍ നിലയ്ക്കല്‍ വരെ മാത്രം;പമ്പയിലേക്ക് ഭക്തര്‍ക്ക് കെഎസ്ആര്‍ടിസി ചെയിന്‍ സര്‍വീസ്

കഴിഞ്ഞ ദിവസം ഹൈദിയാനില്‍ ഭക്ഷ്യ മാര്‍ക്കറ്റില്‍ കൊവിഡ് സ്ഥിരീകരിച്ചിരുന്നു. മാര്‍ക്കറ്റിന് സമീപത്തുള്ള സ്‌കൂളുകള്‍ അടച്ചു. നേരത്തെ സിന്‍ഫാദി മാര്‍ക്കറ്റിലും കൊവിഡ് സ്ഥിരീകരിച്ചിരുന്നു. അവിടം സന്ദർശിച്ച 29,386 പേർക്ക് കോവിഡ് പരിശോധന നടത്തിയതായി ബെയ്‌ജിങ്‌ ആരോഗ്യ കമ്മീഷൻ വക്താവ് ഗാവോ സിയാജുൻ അറിയിച്ചിരുന്നു.

Also read:  രാജ്യത്ത് ചികിത്സയിലുളള രോഗികളുടെ എണ്ണം 1.50 ലക്ഷത്തില്‍ താഴെയായി

ഈ സാഹചര്യം കോവിഡ് വ്യാപനത്തിന്‍റെ രണ്ടാം ഘട്ടത്തിലേക്ക് രാജ്യത്തെ നയിക്കുമോ എന്ന ആശങ്കയും ചൈനിയലെ ദേശീയ ആരോഗ്യ അധികൃതര്‍ പങ്കുവെക്കുന്നുണ്ട്. കോവിഡ് വ്യാപനത്തെ മുൻനിർത്തി ഭാഗമായി 10000 ടെസ്റ്റുകള്‍ ഇന്നലെ മാത്രം നടത്തിയിരുന്നു.