ചെന്നൈ: ലോക്ക്ഡൗണ്‍ ലംഘിച്ച് കൊടൈക്കനാലിലെ വിനോദ സഞ്ചാര കേന്ദ്രത്തിലെത്തിയ തമിഴ് നടന്മാര്‍ക്കെതിരെ കേസ്. സൂരി, വിമല്‍ എന്നിവര്‍ക്കെതിരെയാണ് ചെന്നൈ പോലീസ് കേസെടുത്തത്. തമിഴ്‌നാട്ടില്‍ കോവിഡ് വ്യാപനത്തെ തുടര്‍ന്ന് കര്‍ശന നിയന്ത്രങ്ങള്‍ ഏര്‍പ്പെടുത്തിയ സാഹചര്യത്തിലാണ് ഇരുവരുടെയും നിയമലംഘനം. പ്രദേശത്തെ നാട്ടുകാരാണ് പോലീസില്‍ വിവരം അറിയിച്ചത്.
ഈ മാസം 16നാണ് ഇരുവരും കൊടൈക്കനാലില്‍ എത്തിയത്. സംരക്ഷിത വനമേഖലയില്‍ അതിക്രമിച്ചു കടന്നതിന് വനം വകുപ്പ് ഇവരില്‍ നിന്ന് 2,000 രൂപ വീതം ഈടാക്കി. ജില്ല വിട്ട് പോകാന്‍ വേണ്ട ഇ പാസ് നിബന്ധനയും ഇവര്‍ പാലിച്ചില്ലെന്ന് പോലീസ് പറയുന്നു.
