Web Desk
കോഴിക്കോട്അ പ്പോളോ ജ്വല്ലറിയിലെ പൊറ്റമ്മലിലെ ഷോറൂമില് തീപിടുത്തം. ആഭരണ നിര്മ്മാണം നടക്കുന്ന കെട്ടിടത്തില് തീ പടര്ന്നു പിടിച്ചു. മൂന്ന് നിലകളുള്ള ജ്വല്ലറിക്കകത്ത് കുടുങ്ങിയ ജീവനക്കാരെ രക്ഷപ്പെടുത്തി. ചില്ലുപൊട്ടിച്ചാണ് പുറത്തിറക്കിയത്. ഇവരെ കോഴിക്കോട് മെഡിക്കല് കോളേജില് പ്രവേശിപ്പിച്ചിരിക്കുകയാണ്.
ജീവനക്കാരുള്പ്പെടെ നിരവധിപ്പേരാണ് അപകടസമയത്ത് കെട്ടിടത്തിനുള്ളിലുണ്ടായിരുന്നത്. ഉളളിലുണ്ടായിരുന്ന ഗ്യാസ് സിലിണ്ടറടക്കം മാറ്റി. തീ പൂര്ണ്ണമായും അണഞ്ഞില്ല. അതേ സമയം പാര്ക്കിംഗ് ഏരിയയിലുണ്ടായിരുന്ന കാറുകള് കത്തി നശിച്ചു. തീപിടുത്തമുണ്ടായത് എങ്ങനെയാണെന്നതില് വ്യക്തതയില്ല. ആഭരണങ്ങളുടെ നിര്മ്മാണവുമായി ബന്ധപ്പെട്ട ചില രാസ വസ്തുക്കള് ജ്വല്ലറിയിലുണ്ടായിരുന്നു. തീ പെട്ടന്ന് പടരാന് കാരണമായത് ഈ രാസ വസ്തുക്കളാണ്.കഴിഞ്ഞ വര്ഷമായിരുന്നു ഈ കെട്ടിടത്തിന്റെ നിര്മ്മാണം പൂര്ത്തിയായത്. വെന്റിലേഷന് കുറച്ചുമാത്രമുള്ള കെട്ടിടമായതിനാല് പുകപുറത്ത് പോകാന് പോലും കഴിയുന്നുണ്ടായിരുന്നില്ല. കോഴിക്കോട് നഗരത്തില് നിന്നും നാല് കിലോമീറ്ററിനുളളിലാണ് ഈ കെട്ടിടം സ്ഥിതി ചെയ്യുന്നത്. നാലോളം അഗ്നിശമനസേന യൂണിറ്റെത്തിയാണ് തീയണക്കാനുളള ശ്രമം നടത്തുന്നത്.
