ലണ്ടന്‍: കോവിഡ് പോസീറ്റിവ് ആയ വ്യക്തിയുമായി സമ്പര്‍ക്കത്തില്‍ ഏര്‍പ്പെട്ടതിനെ തുടര്‍ന്ന് ബ്രിട്ടീഷ് പ്രശാനമന്ത്രി ക്വാറന്റൈനില്‍ പ്രവേശിച്ചു. നിലവില്‍ കോവിഡ് ലക്ഷണങ്ങള്‍ ഇല്ലെന്നും സ്വയം നിരീക്ഷണത്തിലാണെന്നും ബോറിസ് ട്വിറ്ററിലൂടെ അറിയിക്കുകയായിരുന്നു.
അതേസമയം നീരീക്ഷണത്തില്‍ ഇരുന്നു കൊണ്ടുതന്നെ ഔദ്യോഗിക കൃത്യ നിര്‍വ്വഹണവും കോവിഡ് പ്രതിരോധ പ്രവര്‍ത്തനങ്ങളുടെ നേതൃത്വവും തുടരുമെന്നും അദ്ദേഹം ട്വീറ്റ് ചെയ്തു.
Today I was notified by NHS Test and Trace that I must self-isolate as I have been in contact with someone who tested positive for COVID-19.
I have no symptoms, but am following the rules and will be working from No10 as I continue to lead the government’s pandemic response.
— Boris Johnson (@BorisJohnson) November 15, 2020
കണ്‍സര്‍വേറ്റീവ് പാര്‍ട്ടി അംഗമായ ലീ ആന്‍ഡേഴ്‌സിനാണ് കോവിഡ് സ്ഥിരീകരിച്ചത്. പാര്‍ലമെന്റ് അംഗങ്ങളുമായി ബോറിസ് വ്യാഴാഴ്ച കൂടിക്കാഴ്ച നടത്തിയിരുന്നു. ഇതിനു ശേഷമാണ് ലീ ആന്‍ഡേഴ്‌സിന് കോവിഡ് പോസിറ്റീവായത്. ബോറിസ് ജോണ്‍സണ്‍ ആരോഗ്യവാനാണെന്നും ഡ്രൗണിങ് സ്ട്രീറ്റിലെ വസതിയില്‍ നിന്ന് അദ്ദേഹം ഔദ്യോഗിക കൃത്യനിര്‍വഹണം തുടരുമെന്നും പ്രധാനമന്ത്രിയുടെ വക്താവ് വ്യക്തമാക്കി.
