Web Desk
സൗദിയിൽ കോവിഡ്-19 പ്രോട്ടോകോൾ ലംഘിച്ചു പ്രവർത്തിച്ച 130 വ്യാപാര സ്ഥാപനങ്ങളും, 41 ബാർബർ ഷോപ്പുകളും അധികൃതർ അടപ്പിച്ചു. സൗദിയിൽ ഞായറാഴ്‌ച മുതൽ പൂർണമായും കർഫ്യു പിൻവലിക്കുകയും മുഴുവൻസമയ സഞ്ചാര സ്വാതന്ത്ര്യം അനുവദിക്കുകയും ചെയ്തിരുന്നു.
മേഖലകൾ തിരിച്ച നിരവധി പ്രോട്ടോകോളുകളാണ് അധികൃതർ ഇറക്കിയിരുന്നത്. ബാർബർ ഷോപ്പുകളിൽ കൃത്യമായ സാമൂഹിക അകലം ഉൾപ്പെടെ, അണുനശീകരണ പ്രവർത്തനങ്ങൾ കൃത്യമായി പാലിക്കണമെന്ന് നിർദ്ദേശിച്ചിരുന്നു. മുനിസിപ്പാലിറ്റി ഉദ്യോഗസ്ഥരും ആരോഗ്യ, ആഭ്യന്തര മന്ത്രാലയ ഉദ്യോഗസ്ഥരും അടങ്ങുന്ന വിവിധ സംഘങ്ങൾ നടത്തിയ നിരീക്ഷണത്തിലാണ് നിയമങ്ങൾ തെറ്റിച്ചവർക്കെതിരെ നടപടിയെടുത്തത്.
