തിരുവനന്തപുരം: വയലിനിസ്റ്റ് ബാലഭാസ്ക്കറിന്റെ മരണവുമായി ബന്ധപ്പെട്ട കലാഭവന് സോബിയുടെ മൊഴി കള്ളമെന്ന് നുണ പരിശോധനാ ഫലം. അപകട സമയത്ത് കള്ളക്കടത്ത് സംഘത്തെ കണ്ടുവെന്ന മൊഴി കളവെന്നാണ് നുണ പരിശോധനാ റിപ്പോര്ട്ടില് പറയുന്നത്.
അപകടം ഉണ്ടാകുന്നതിന് മുന്പ് അജ്ഞാതര് ബാലഭാസ്കര് സഞ്ചരിച്ച കാറിന്റെ ചില്ല് തകര്ത്തിരുന്നുവെന്നും മരണത്തിന് പിന്നില് കള്ളക്കടത്ത് സംഘമാണെന്നും സോബി സിബിഐക്ക് നല്കിയ മൊഴിയില് പറയുന്നു. ഇക്കാര്യത്തില് കൂടുതല് വ്യക്തത വരുത്താനാണ് അന്വേഷണ സംഘം നുണ പരിശോധന നടത്തിയത്.
അതേസമയം സോബി പറഞ്ഞ റൂബിന് തോമസിനെ കണ്ടെത്തിയെന്നും ബാലഭാസ്കര് മരിക്കുമ്പോള് റൂബിന് ബെംഗളൂരുവിലാണെന്നും സിബിഐ അറിയിച്ചു. കേസന്വേഷണം അന്തിമഘട്ടത്തിലാണെന്ന് പറഞ്ഞ സിബിഐ, കള്ളക്കടത്ത് സംഘത്തിന് അപകടവുമായി ബന്ധമണ്ടോയെന്ന പരിശോധന തുടരുകയാണെന്നും വ്യക്തമാക്കി.
