English हिंदी

Blog

ashiq

Web Desk

കൊച്ചി: പൃഥ്വിരാജ്-ആഷിഖ് അബു കൂട്ടുകെട്ടില്‍ ഒരുങ്ങുന്ന ‘വാരിയംകുന്നന്‍’ സിനിമയില്‍ നിന്ന് തിരക്കഥാകൃത്ത് റമീസ് ഒഴിവായി. റമീസ് സോഷ്യല്‍മീഡിയയില്‍ എഴുതിയ രാഷ്ട്രീയ നിലപാടുകളും പോസ്റ്റുകളും ഏറെ ചര്‍ച്ചയായിരുന്നു. ഇതിന് പിന്നാലെയാണ് സിനിമയില്‍ നിന്നുമുള്ള പിന്മാറ്റം.

അതേസമയം, രാഷ്ട്രീയവും വ്യക്തിപരവുമായ നിലപാടുകള്‍ കാരണമെന്ന് സംവിധായകന്‍ ആഷിഖ് അബു അറിയിച്ചു. റമീസിന്‍റെ രാഷ്ട്രീയ നിലപാടുകളോട് വ്യക്തിപരമായി തനിക്ക് യോജിപ്പില്ലെന്നും എന്‍റെ രാഷ്ട്രീയ നിലപാടുകളോടും അദ്ദേഹത്തിന് വിയോജിപ്പായിരിക്കുമെന്നും ആഷിഖ് അബു പറഞ്ഞു. സ്വന്തം വിശ്വാസ്യത സമൂഹത്തെ റമീസ് ബോധ്യപ്പെടുത്തണമെന്നും ആഷിഖ് അബു പറഞ്ഞു.

Also read:  സമാധാന പാതയിലേക്ക്: ഫിംഗര്‍ ഫൈവിലെ നിര്‍മാണങ്ങള്‍ ചൈന പൊളിച്ചു നീക്കിത്തുടങ്ങി

അതേസമയം, തന്‍റെ പേരില്‍ നടക്കുന്നത് അപവാദപ്രചാരണമെന്ന് റമീസ് മുഹമ്മദ് പ്രതികരിച്ചു. ആരോപണങ്ങള്‍ തെറ്റെന്ന് തെളിയിച്ച് തിരക്കഥാകൃത്തായി മടങ്ങിയെത്തുമെന്നും അദ്ദേഹം പറഞ്ഞു.

ആഷിഖ് അബുവിന്‍റെ ഫെയ്‌സ്ബുക്ക് പോസ്റ്റ്

റമീസിന്‍റെ രാഷ്ട്രീയ നിലപാടുകളോട് വ്യക്തിപരമായി ഒട്ടും തന്നെ യോജിപ്പില്ല. അദ്ദേഹത്തിന് എന്‍റെ രാഷ്ട്രീയ നിലപാടുകളോടും വിയോജിപ്പാകാനാണ് സാധ്യത.

Also read:  മുഖ്യമന്ത്രിയെ ക്യാപ്റ്റനെന്ന് വിശേഷിപ്പിച്ചത് പാര്‍ട്ടി പത്രം ; നേതാക്കളെ തിരുത്തി അപ്പുകുട്ടന്‍ വള്ളിക്കുന്ന്

മറ്റൊരു സംവിധായകനുമായി വാരിയംകുന്നന്‍ എന്ന ചിത്രം നിര്‍മ്മിക്കുന്നതിനെ പറ്റിയുള്ള ചര്‍ച്ചകള്‍ വര്‍ഷങ്ങളായി നടന്നുവരുന്നു. റമീസും ആദ്യം മുതല്‍ തന്നെ ഈ ഉദ്യമത്തില്‍ ഉണ്ടായിരുന്ന, ഇതിനായി റിസേര്‍ച്ചുകള്‍ ചെയ്ത വ്യക്തിയായിട്ടാണ് ഞാനറിയുന്നത്. മൂന്ന് നാല് മാസങ്ങള്‍ക്ക് മുന്‍പ് മാത്രം. സിനിമ പ്രഖ്യാപിച്ചതിന് ശേഷം റമീസിനെതിരെ ഉയര്‍ന്ന ആരോപണങ്ങളില്‍ അദ്ദേഹത്തോട് വിശദീകരണം ആരായുകയും ചില കാര്യങ്ങളില്‍ അദ്ദേഹം തെറ്റ്‌സമ്മതിക്കുകയും പരസ്യമായി ഫേസ്ബുക്കില്‍ മാപ്പുപറയുകയും ചെയ്തു. തന്റെ ഉദ്ധേശശുദ്ധിയുടെ മേല്‍ സംശയത്തിന്‍റെ നിഴല്‍ വീണ നിലക്ക് അത് റമീസ് വ്യക്തിപരമായി പൊതുസമൂഹത്തോടു വിശദീകരിക്കും. തന്‍റെ വിശ്വാസ്യത സമൂഹത്തെയും ടീമിനേയും ബോധ്യപെടുത്താന്‍ റമീസിന് ബാധ്യതയുണ്ട്. അതുവരെ വാരിയംകുന്നന്‍ എന്ന സിനിമയുടെ തിരക്കഥാകൃത്തെന്ന സ്ഥാനത്തുനിന്ന് മാറി നില്‍ക്കാന്‍ തീരുമാനിക്കുന്നതായി റമീസ് അറിയിച്ചിരിക്കുന്നു. സിനിമ മുന്നോട്ട്.

Also read:  കലാപത്തിന് ശ്രമിക്കുന്നവരുടെ തലയില്‍ ഇടിത്തീ വിഴട്ടെയെന്ന് ആഷിക് അബു

ആഷിഖ് അബു