കുമ്പള അനന്തപുരം അനന്തപത്മനാഭ ക്ഷേത്രക്കുളത്തില്‍ ഏഴു പതിറ്റാണ്ടിലേ റെക്കാലം ജീവിച്ച മുതല ‘ബബിയ’ ഇനിയില്ല. ഞായര്‍ രാത്രി പത്തോടെയാണ് ബബിയ ചത്തത്
കാസര്‍കോട് : കുമ്പള അനന്തപുരം അനന്തപത്മനാഭ ക്ഷേത്രക്കുളത്തില്‍ ഏഴു പതിറ്റാണ്ടിലേറെ ക്കാലം ജീവിച്ച മുതല ‘ബബിയ’ ഇനിയില്ല. ഞായര്‍ രാത്രി പത്തോടെ യാണ് ബബിയ ചത്തത്. കേര ളത്തിലെ ഏക തടാകക്ഷേത്രമായ ഇവിടുത്തെ കുളത്തില്‍ സസ്യാഹാരം മാത്രം കഴിച്ച് ഏഴ് പതിറ്റാ ണ്ടിലേറെയായി ജീവിച്ചു. അമ്പലത്തിന്റെ നിവേദ്യമാണ് പ്രധാന ഭക്ഷണം. തിങ്കള്‍ രാവിലെ ക്ഷേത്രം തന്ത്രിയുടെ കാര്‍മികത്വത്തില്‍ മരണാനന്തര ചടങ്ങുകള്‍ നടന്നു.
തിരുവനന്തപുരം ശ്രീപത്മനാഭ സ്വാമി ക്ഷേത്രത്തിന്റെ മൂലസ്ഥാനമാണ് അനന്തപുരം ക്ഷേത്രമെ ന്നാണ് ഐതീഹ്യം. ക്ഷേത്രത്തിലുണ്ടായിരുന്ന മുതലയെ 1945ല്‍ ബ്രീട്ടീഷ് പട്ടാളക്കാരന്‍ വെടിവച്ചു കൊന്നെന്നും ദിവസങ്ങള്‍ക്കുള്ളില്‍ ‘ബബിയ’ ക്ഷേത്രക്കുളത്തില്‍ പ്രത്യക്ഷപ്പെട്ടുവെന്നുമാണ് വി ശ്വാസം. ബബിയയെ കാണാനായി മാത്രം ആയിരക്കണക്കിന് വിശ്വാസികളാണ് ഓരോ വര്‍ഷവും ക്ഷേത്രത്തിലെത്തിയിരുന്നത്
പൊതുദര്‍ശനത്തിന് ശേഷം ബബിയയുടെ മൃതദേഹം ക്ഷേത്രവളപ്പില്‍ സംസ്‌കരിക്കും. ബബിയ യോടുള്ള ആദരസൂചകമായി ക്ഷേത്രനട അടച്ചിരിക്കുകയാണ്. തിങ്കളാഴ്ച ഉച്ചയോടെയേ നട തുറ ക്കൂ.
