വധഗൂഢാലോചന കേസ് അട്ടിമറിക്കാന് ദിലീപ് ശ്രമിച്ചതിന്റെ കൂടുതല് വിവരങ്ങള് പുറത്ത്. കേസില് ദിലീപ് അടക്കമുള്ള പ്രതികള് 12 നമ്പറില് നിന്നുള്ള വിവരങ്ങള് നശിപ്പിച്ചെന്ന് ക്രൈം ബ്രാഞ്ച് കണ്ടെത്തല്
കൊച്ചി : വധഗൂഢാലോചന കേസ് അട്ടിമറിക്കാന് ദിലീപ് ശ്രമിച്ചതിന്റെ കൂടുതല് വിവരങ്ങള് പുറത്ത്. കേസില് ദിലീപ് അടക്കമുള്ള പ്രതികള് 12 നമ്പറില് നിന്നുള്ള വിവ രങ്ങള് നശിപ്പിച്ചെന്ന് ക്രൈം ബ്രാഞ്ച് കണ്ടെത്തല്. 12 നമ്പരിലേക്കുള്ള വാട്ട്സ്ആപ്പ് ചാറ്റുകളാണ് നശിപ്പിച്ചത്. നടിയെ ആക്രമിച്ച കേസുമായി ബന്ധപ്പെട്ട നിര്ണായക വ്യക്തികളുമായുള്ള ചാറ്റുകളാണ് നീക്കം ചെയ്തത്.
മൊബൈല് ഫോണുകളിലെ തെളിവുകള് മുംബൈയിലെ ലാബില് നശിപ്പിച്ചതിന്റെ മിറര് കോപ്പി ക്രൈം ബ്രാഞ്ച് നേരത്തെ കണ്ടെത്തിയിരുന്നു. ഇവിടെ നടത്തിയ പരിശോധനയിലാണ് നിര്ണായക രേ ഖകള് കണ്ടെടുത്തത്. നശിപ്പിച്ച വിവരങ്ങള് വീണ്ടെടുക്കാന് ഫോറന്സിക് സയന്സ് ലാബിന്റെ സഹായ വും ക്രൈം ബ്രാഞ്ച് തേടിയിട്ടു ണ്ട്. ഫോറന്സിക് റിപ്പോര്ട്ട് രണ്ട് ദിവസത്തിനകം ക്രൈം ബ്രാഞ്ചിന് ലഭി ച്ചേക്കും.ഫോണ് വിവരങ്ങള് നശിപ്പിച്ചു എന്ന് മുംബൈയിലെ ലാബുടമ കഴിഞ്ഞ ദിവസം മൊഴി നല്കി യിരുന്നു. 75000 രൂപ വീതം ഈടാക്കിയാണ് ഫോണ് വിവരങ്ങള് നശിപ്പിച്ചതെന്നും ലാബുടമ പറഞ്ഞു.
കൊച്ചിയില് നിന്ന് കൊറിയര് വഴിയാണ് ലാബിലേക്ക് ഫോണുകള് അയച്ചത്. ഇതിന്റെ രസീതും ലാബില് നിന്ന് കിട്ടി. വിന്സെന്റ് ചൊവ്വല്ലൂരാണ് ദിലീപിന് ലാബ് ഡയറക്ട റെ പരിചയപ്പെടുത്തിയത്. ആദായനികു തി വകുപ്പ് മുന് അസിസ്റ്റന്റ് കമ്മീഷണറാണ് ഇയാള്. അഭിഭാഷകന് ആവശ്യപ്പെട്ടതുപ്രകാരമാണ് ലാബി നെ പരിചയപ്പെടുത്തിക്കൊടുത്തതെന്ന് വിന്സെന്റ് ഒരു ചാനലിനോട് പറഞ്ഞു. തന്റെയും ദിലീപിന്റെ യും അഭിഭാഷകന് ഒരാളാണ്. മുംബൈയിലെ ഏറ്റവും നല്ല ഫോറന്സിക് ലാബ് ഏതാണെന്ന് അ ഭിഭാ ഷകന് ചോദിച്ചതു പ്രകാരമാണ് താന് അന്വേഷിച്ച് മറുപടി നല്കിയത്.
ജനുവരി 30നാണ് ഫോണുകള് മുംബൈയില് എത്തിച്ച് രേഖകള് നശിപ്പിച്ചത്. അന്വേഷണത്തിന്റെ ഭാഗമായി ഫോണുകള് കൈമാറണമെന്ന് കോടതി ജനുവരി 29ന് ഉത്ത രവിട്ടതിന് പിന്നാലെയായിരുന്നു നടപടി. ഹൈക്കോടതി രജിസ്ട്രാര്ക്ക് ഫോണുകള് സമര്പ്പിച്ചത് രേഖകള് നശിപ്പിച്ച ശേഷമായിരുന്നു എന്നും റിപ്പോര്ട്ട് വ്യക്തമാക്കു ന്നു.
മുംബൈക്ക് അയച്ച നാല് ഫോണുകളിലെയും വിവരങ്ങള് നീക്കം ചെയ്തിരുന്നെന്നും കണ്ടെത്തിയിരുന്നു. നടിയെ ആക്രമിച്ച കേസില് തുടരന്വേഷണം റദ്ദാക്കണമെന്നാവശ്യപ്പെട്ട് പ്രതി ദിലീപ് നല്കിയ ഹര്ജി തള്ളണമെന്ന് ആവശ്യപ്പെട്ട് ക്രൈംബ്രാഞ്ച് കോടതിയില് സമര്പ്പിച്ച റിപ്പോര്ട്ടില് തെളിവ് നശിപ്പിക്കാന് ശ്രമങ്ങള് നടന്നു എന്ന് ക്രൈംബ്രാഞ്ച് വ്യക്തമാക്കിയിരുന്നു.
