ജില്ലാ കലക്ടര് ഷീബാ ജോര്ജ്.ഡാം തുറക്കുന്നതിന് 24 മണിക്കൂര് മുന്പ് മുന്നറിയിപ്പ് നല്കണ മെന്ന് കലക്ടര് തമിഴ്നാട് സര്ക്കാരിനോട് അഭ്യര്ഥിച്ചു
ഇടുക്കി: മുല്ലപ്പെരിയാര് ഡാം തുറന്നാല് 883 കുടുംബങ്ങളെ മാറ്റിപാര്പ്പിക്കേണ്ടിവരുമെന്ന് ഇടുക്കി ജില്ലാ കലക്ടര് ഷീബാ ജോര്ജ്.ഡാം തുറക്കുന്നതിന് 24 മണിക്കൂര് മുന്പ് മുന്നറിയിപ്പ് നല്കണമെന്ന് കലക്ടര് തമിഴ്നാട് സര്ക്കാരിനോട് അഭ്യര്ഥിച്ചു. വണ്ടിപ്പെരിയാറില് നടന്ന ഉന്നതതലയോഗത്തിന് ശേഷം മാധ്യമ ങ്ങളോട് സംസാരിക്കുകയായിരുന്നു കലക്ടര്.
മുല്ലപ്പെരിയാര് ഡാമില് 137.6 അടി വെള്ളമാണുള്ളത്.നിലവില് ആശങ്കപ്പെടേണ്ട സാഹചര്യമില്ലെന്നും ഇ പ്പോള് മഴയുടെ ലഭ്യതയില് കുറവുണ്ടായതായും കലക്ടര് പറഞ്ഞു. മാറ്റിപ്പാര്പ്പിക്കേണ്ട സാഹചര്യമുണ്ടാ യാല് അതിനുള്ള മുന്നൊരുക്കങ്ങള് ചെയ്തതായും കലക്ടര് പറഞ്ഞു.2018ലെ പ്രളയവുമായി താരതമ്യം ചെയ്യുമ്പോള് അത്തരമൊരു അവസ്ഥ നിലവിലില്ല.
സ്ഥിതിഗതികള് വിലയിരുത്താന് കലക്ടറുടെ നേതൃത്വത്തില് ചേര്ന്ന ഉന്നതതലയോഗത്തില് വിവിധ വകുപ്പ് ഉദ്യോഗസ്ഥരും പെരിയാര് തീരത്തെ തദ്ദേശ സ്ഥാപന ജനപ്രതിനിധികളും പങ്കെടുത്തു.
മുല്ലപ്പെരിയാര് ജലനിരപ്പ്് 138 അടിയിലേക്ക് ഉയരുന്ന സാഹചര്യത്തില് സ്പില്വേ വഴി ജലം ഒഴുക്കി വിട ണമെന്ന് ആവശ്യപ്പെട്ട് സംസ്ഥാന ജലവിഭവ വകുപ്പ് തമിഴ്നാട് സര്ക്കാരിന് കത്തു നല്കിയിരുന്നു.
