നിലവിലെ ജീവനക്കാരില് പകുതിയോളം പേരെ എയര്പോര്ട്ട് അതോറിറ്റി ഓഫ് ഇന്ത്യക്ക് കീഴി ലുള്ള മറ്റ് വിമാനത്താവളങ്ങളിലേക്ക് സ്ഥലം മാറ്റും. മറ്റുള്ളവര് തിരുവനന്തപുരത്ത് തുടരും
തിരുവനന്തപുരം: തിരുവനന്തപുരം അന്താരാഷ്ട്ര വിമാനത്തവാളം അദാനി ഗ്രൂപ്പ് രണ്ടാഴ്ചക്കുള്ളില് ഏറ്റെടുക്കും. ഒക്ടോബര് 14 മുതല് വിമാനത്താവളം നടത്തിപ്പ് അദാനി ഗ്രൂപ്പിനായിരിക്കും. നിലവി ലെ ജീവനക്കാരില് പകുതിയോളം പേരെ എയര്പോര്ട്ട് അതോറിറ്റി ഓഫ് ഇന്ത്യക്ക് കീഴിലുള്ള മറ്റ് വിമാനത്താവളങ്ങളിലേക്ക് സ്ഥലം മാറ്റും. മറ്റുള്ളവര് തിരുവനന്തപുരത്ത് തുടരും. അതേസമയം വിമാനത്താവളത്തിന്റെ സ്വകാര്യവത്കരണത്തിനെതിരായ നിയമപോരാട്ടം തുടരുമെന്ന് ആക്ഷന് കൗണ്സില് വ്യക്തമാക്കി.
കേന്ദ്ര സര്ക്കാരിന്റെ സാമ്പത്തിക ഉത്തേജന നയപ്രകാരം തിരുവനന്തപുരം വിമാനത്താവളത്തി ന്റെ നടത്തിപ്പും പരിപാലന ചുമതലയും അടുത്ത 50 വര്ഷത്തേക്കാണ് അദാനി ഗ്രൂപ്പിന് ലഭിച്ചത്. ഇക്കഴിഞ്ഞ ജനുവരി 19ന് ഇതു സംബന്ധിച്ച കരാറില് അദാനി ഗ്രൂപ്പും എയര്പോര്ട്ട് അതോറിററി ഓഫ് ഇന്ത്യയും ഒപ്പുവച്ചിരുന്നു. കരാര് പ്രകാരം ആറ് മാസത്തിനകം വിമാനത്താവളം ഏറ്റെടുക്കേ ണ്ടതായിരുന്നു. എന്നാല് സംസ്ഥാന സര്ക്കാരിന്റെ നിയമ നടപടിയും കോവിഡ് വ്യാപനവും ഏറ്റെ ടുക്കല് വൈകാന് കാരണമായി. അതേസമയം വിമാനത്താവളത്തിന്റെ സ്വകാര്യവത്കരണത്തി നെതിരായ നിയമ പോരാട്ടം തുടരുമെന്ന് ആക്ഷന് കൗണ്സില് വ്യക്തമാക്കി.
വിമാനത്താവളം അദാനിക്ക് നല്കുന്നതിനെതിരെ സംസ്ഥാന സര്ക്കാര് സമര്പ്പിച്ച ഹര്ജി ഹൈ ക്കോടതി തള്ളിയെങ്കിലും സുപ്രീം കോടതിയില് അപ്പീല് നിലവിലുണ്ട്. ഇത് നിലനില്ക്കെയാണ് വിമാനത്താവളം ഏറ്റെടുക്കാനുള്ള നടപടിയുമായി അദാനി ഗ്രൂപ്പ് മുന്നോട്ട് പോകുന്നത്. കൈമാറ്റം സ്ഥിരീകരിച്ചും പൂര്ണ സജ്ജമാകുന്നതുവരെ ആറ് മാസത്തേക്ക് നിലവിലെ താരിഫ് നിരക്ക് തുടരു മെന്നും വ്യക്തമാക്കി എയര്പോര്ട്ട് അതോറിറ്റി ഉത്തരവിറക്കി.
