കേന്ദ്ര സര്‍ക്കാര്‍ സൗജന്യമായും സമയബന്ധിതമായും വാക്സിന് നല്‍കണമെന്ന് പ്രമേയത്തില്‍ ആവശ്യപ്പെട്ടു.കേന്ദ്ര നിലപാട് കരിഞ്ചന്തയെ പ്രോത്സാഹി പ്പിക്കുന്ന താണെന്ന് പ്രമേയത്തില്‍ പറയുന്നു.
തിരുവനന്തപുരം : കോവിഡ് വാക്സിന് സൗജന്യമായി നല്‍കണമെന്ന് കേന്ദ്രത്തോട് ആവശ്യ പ്പെടുന്ന പ്രമേയം നിയമസഭ ഐകണേ്ഠ്യന പാസാക്കി. ആരോഗ്യമന്ത്രി വീണ ജോര്‍ജ് പ്രമേയം അവതരിപ്പിച്ചു. കേന്ദ്ര സര്‍ക്കാര്‍ സൗജന്യമായും സമയബന്ധിതമായും വാക്സിന് നല്‍ കണമെന്ന് പ്രമേയത്തില്‍ ആവശ്യപ്പെട്ടു.
കേന്ദ്ര നിലപാട് കരിഞ്ചന്തയെ പ്രോത്സാഹിപ്പിക്കുന്നതാണെന്ന് പ്രമേയത്തില്‍ പറയുന്നു. വാക്‌സി ന്‍ സൗജന്യമായും സമയബന്ധിതമായും നല്‍കണം. വാക്സിന് വാങ്ങാന്‍ മറ്റ് സംസ്ഥാനങ്ങളോട് മത്സരിക്കാന്‍ ആവശ്യപ്പെട്ടത് പ്രതിഷേധാര്‍ഹമാണ്.കേന്ദ്ര സര്‍ക്കാര്‍ ആഗോള ടെന്‍ഡ റിലൂടെ വാക്സിന് വാങ്ങണമെന്നും പ്രമേയം നിര്‍ദേശിച്ചു. സര്‍ക്കാര്‍ സംവിധാനങ്ങളെ കമ്പോളത്തില്‍ മത്സരിക്കാന്‍ പ്രേരിപ്പിക്കുന്നത് പ്രതിഷേധാര്‍ഹമാണെന്നും പ്രമേയം വ്യക്തമാക്കുന്നു.
കഴിഞ്ഞ ദിവസം വാക്സിന് പ്രശ്‌നം പരിഹരിക്കാന്‍ ബിജെപി ഇതര മുഖ്യമന്ത്രിമാരുടെ പിന്തുണ തേടി മുഖ്യമന്ത്രി പിണറായി വിജയന്‍ കത്തെഴുതിയിരുന്നു. ഇതിന്റെ തുടര്‍ച്ചയെന്നോണമാണ് സംസ്ഥാനം പ്രമേയം പാസാക്കിയത്. തമിഴ്നാട്, ആന്ധ്രാ പ്രദേശ്, തെലങ്കാന, ഛത്തിസ്ഗഡ് , ഒഡീഷ, പശ്ചിമ ബംഗാള്‍, ഝാര്‍ഖണ്ഡ്, ഡെല്‍ഹി, പഞ്ചാബ്, രാജസ്ഥാന്‍, മഹാരാഷ്ട്ര എന്നീ 11 സംസ്ഥാനങ്ങളിലെ മുഖ്യമന്ത്രിമാര്‍ക്കാണ് കത്തയച്ചത്.
സംസ്ഥാനങ്ങള്‍ക്ക് വാക്സിന് ലഭ്യമാക്കുന്ന ഉത്തരവാദിത്തത്തില്‍ നിന്ന് കൈഒഴിയുന്ന കേന്ദ്ര സമീപനം ദൗര്‍ഭാഗ്യകരമാണെന്നും മൂന്നാം തരംഗ ത്തിന് സാധ്യത കാണുന്നതിനാല്‍ രോഗ പ്രതിരോധ ശേഷി വര്‍ധിപ്പിക്കേണ്ടതുണ്ടെന്നും അതിന് വാക്സിന് സാര്‍വ്വത്രികമാക്കണമെന്നും മുഖ്യമന്ത്രി കത്തില്‍ പറഞ്ഞിരുന്നു.
