മകളുമായി ആത്മഹത്യ ചെയ്യാ നായിരുന്നു പദ്ധതി. എന്നാല് മകള് ഇതിന് വിസമ്മതിച്ചതോടെ കൊലപ്പെടുത്തി. മകളെ കൊലപ്പെടുത്തിയ ശേഷം ആത്മഹത്യ ചെയ്യാനായിരുന്നു തീരുമാനമെന്നും എന്നാല് തനിക്ക് അതിന് കഴിഞ്ഞില്ലെന്നും സനു മോഹന് പൊലീസിനോട് സമ്മതിച്ചു
കൊച്ചി: 13കാരി മകള് വൈഗയെ പുഴയിലേക്ക് തള്ളിയിട്ട് കൊലപ്പെടുത്തിയെന്ന് കുറ്റം സമ്മതിച്ച് സനുമോഹന്. മകളുമായി ആത്മഹത്യ ചെയ്യാ നായിരുന്നു പദ്ധതി. എന്നാല് മകള് ഇതിന് വിസമ്മതിച്ചതോടെ കൊലപ്പെടുത്തി. മകളെ കൊലപ്പെടുത്തിയ ശേഷം ആത്മഹത്യ ചെയ്യാനായിരുന്നു തീരുമാനമെന്നും എന്നാല് തനിക്ക് അതിന് കഴിഞ്ഞില്ലെന്നും സനു മോഹന് പൊലീസിനോട് സമ്മതിച്ചു.
ചോദ്യം ചെയ്യല് തുടരുകയാണെന്ന് കൊച്ചി സിറ്റി പൊലീസ് കമ്മീഷണര് എച്ച് നാഗരാജു അറിയിച്ചു. സനുമോഹനെ കോടതിയില് ഹാജരാക്കി കസ്റ്റഡിയില് വാങ്ങിയ ശേഷം വീണ്ടും ചോദ്യംചെയ്യും. കൊലപാതകം എങ്ങനെ ചെയ്തു എന്നത് സംബന്ധിച്ച് കൂടുതല് തെളിവുകള് കണ്ടെ ത്തേണ്ടതുണ്ട്. ഒരുപാട് സ്ഥലങ്ങളില് കറങ്ങിയതിന് ശേഷമാണ് സനുമോഹന് കൊല്ലൂര് മൂകാംബികയില് എത്തിയത്. ഒരുപാട് വെല്ലുവിളികള് അഭിമുഖീകരിച്ചാണ് പൊലീസ് സംഘം പ്രതിയെ പിടികൂടിയതെന്നും കമ്മീഷണര് വ്യക്തമാക്കി.
കടബാധ്യത കാരണമുള്ള ടെന്ഷനും മറ്റുമാണ് കൊലപാതകത്തിലേക്കും ആത്മഹത്യ ചെയ്യാനുള്ള തീരുമാനത്തിലേക്കും എത്തിച്ചത്. ഇതുസം ബന്ധിച്ച് കൂടുതല് തെളിവുകള് ശേഖരിക്കാനുണ്ടെന്നും പ്രതി തുടര്ച്ചയായി മൊഴി മാറ്റുന്നതും മൊഴികളിലെ പൊരുത്തക്കേടുകളും അന്വേ ഷിച്ചുവരികയാണെന്നും കമ്മീഷണര് പറഞ്ഞു.
മാര്ച്ച് 21 ന് ഭാര്യയെ ഭാര്യവീട്ടിലാക്കിയ ശേഷം മകളെയും കൊണ്ട് കങ്ങരപ്പടിയിലെ ഫ്ലാറ്റിലെത്തി. അവിടെ വെച്ച് തനിക്ക് വലിയ രീതി യിലുള്ള കടബാധ്യതകളുണ്ടെന്നും അതിനാല് താന് ആത്മഹത്യ ചെയ്യാന് പോകുകയാണെന്നും തന്റെ കൂടെ വരണമെന്നും മകളോട് പറഞ്ഞു. അപ്പോള് അമ്മയെന്ത് ചെയ്യുമെന്ന് മകള് ചോദിച്ചു. അമ്മയെ വീട്ടുകാര് നോക്കിക്കൊള്ളുമെന്ന് പറഞ്ഞ് മകളെ കെട്ടിപ്പിടിച്ച് കരഞ്ഞു. ആ സമയത്ത് മകളെ ശ്വാസംമുട്ടിക്കുകയായിരുന്നു. അതോടെ മകള് അബോധാവസ്ഥയിലായി.
അതിന് ശേഷം വൈഗയെ തുണിയില് പൊതിഞ്ഞ് കാറില് കയറ്റി മുട്ടാര് പുഴയുടെ തീരത്ത് കൊണ്ടുവന്ന് അവിടെയുള്ള ഒരു കലുങ്കില് നിന്ന് താഴേക്ക് തള്ളിയിടുകയായിരുന്നു. പിന്നീട് ആത്മഹത്യ ചെയ്യണമെന്നായിരുന്നു കരുതിയത്. അതിന് സാധിച്ചില്ല. പക്ഷേ ആത്മഹത്യ ചെയ്യണമെന്ന് കരുതിയാണ് അവിടെ നിന്ന് പോയത്. പലയിടങ്ങളില് പോയി. രണ്ടുമൂന്നുതവണ ആത്മഹത്യാശ്രമം നടത്തി. കൈ ഞരമ്പ് മുറിച്ചു, ട്രെയിനിന് മുന്നില് ചാടാന് ശ്രമിച്ചു, കടലില് ചാടാന് ശ്രമിച്ചു. ബീച്ചില് വെച്ച് ഒരു കോസ്റ്റ് ഗാര്ഡ് രക്ഷപ്പെടുത്തി. അങ്ങനെ മൂന്നുതവണ ആത്മഹത്യ ശ്രമങ്ങള് നടത്തിയെന്ന് സനുമോഹന് പൊലിസിന് മൊഴി നല്കി.
മാര്ച്ച് 21ന് തൃക്കാക്കര പൊലീസ് സ്റ്റേഷനില് ഒരു മിസിങ് കേസ് റജിസ്റ്റര് ചെയ്തതില്നിന്നായിരുന്നു തുടക്കം. തൊട്ടടുത്ത ദിവസം ഒരു പെണ്കുട്ടിയുടെ മൃതദേഹം ദുരൂഹ സാഹചര്യത്തില് കണ്ടെത്തിയതിന് കളമശേരിയിലും കേസ് രജിസ്റ്റര് ചെയ്തു. തുടരന്വേഷണത്തിലാണ് ഇത് അച്ഛനും മകളുമാണെന്നും പെണ്കുട്ടിയുടെ മരണം കൊലപാതകമാണെന്നും തിരിച്ചറിഞ്ഞത്. സനു മോഹന് ജീവിച്ചിരിക്കുന്നതായി പൊലീസ് ആദ്യം സ്ഥിരീകരിച്ചത് വാളയാറില് കാര് കടന്നു പോകുന്നതിന്റെ ദൃശ്യം ലഭിച്ചതിലൂടെയായിരുന്നു. എട്ടു സംഘങ്ങളായി തിരിഞ്ഞായിരുന്നു അന്വേഷണം.
എപ്പോള് എവിടെനിന്നു വിവരം ലഭിച്ചാലും അവിടേക്ക് എത്താന് വിധത്തിലായിരുന്നു പ്രവര്ത്തനം. യാതൊരു ഡിജിറ്റല് തെളിവുകളും ബാക്കി വയ്ക്കാതിരുന്നത് ഇയാളെ കണ്ടെത്തുന്നതിനുള്ള ശ്രമം ദുഷ്കരമാക്കി. തുടര്ന്നു കഴിഞ്ഞ ദിവസം കൊല്ലൂരിലുണ്ടെന്ന വിവരത്തിന്റെ അടിസ്ഥാനത്തില് നടത്തിയ നീക്കങ്ങള്ക്കൊടുവിലാണ് ഇന്നലെ ഇയാളെ പിടികൂടിയത്. പല സ്ഥങ്ങളില് കറങ്ങിക്കറങ്ങിയാണ് ഇയാള് കര്ണാടകയിലെ കാര്വാറിലെത്തിയത്.
