തിരുവനന്തപുരം: സ്വര്ണക്കടത്തമായി ബന്ധപ്പെട്ട് വിദേശത്തേക്ക് ഡോളര് കടത്തിയ കേസില് മുന് പ്രിന്സിപ്പല് സെക്രട്ടറി എം.ശിവശങ്കര് നല്കിയ ജാമ്യാപേക്ഷയില് ഇന്ന് കോടതി വിധി പറയും. സാമ്പത്തിക കുറ്റകൃത്യങ്ങള് പരിഗണിക്കുന്ന അഡീഷണല് സിജെഎം കോടതിയാണ് വിധി പറയുക.
ഡോളര് കടത്തുമായി തനിക്ക് യാതൊരു പങ്കില്ലെന്നും തനിക്കെതിരെ ഒരു തെളിവും ഹാജരാക്കാന് ആയിട്ടില്ലെന്നുമാണ് ശിവശങ്കറിന്റെ വാദം. കസ്റ്റഡിയില് വെച്ച് പ്രതികള് നല്കിയ മൊഴികള് മാത്രമാണ് തനിക്കെതിരെയുള്ളതെന്നും ശിവശങ്കര് ജാമ്യാപേക്ഷയില് പറയുന്നു.
അതേസമയം കള്ളക്കടത്ത് റാക്കറ്റിലെ പ്രധാന കണ്ണിയാണ് ശിവശങ്കറെന്നും ഡോളര് കടത്തില് ശിവശങ്കറിനെതിരെ ശക്തമായ തെളിവുകള് ലഭിച്ചിട്ടുണ്ടെന്നുമാണ് കസ്റ്റംസിന്റെ വാദം. സ്വര്ണക്കടത്തുമായി ബന്ധപ്പെട്ട കസ്റ്റംസ് കേസിലും കള്ളപ്പണം വെളുപ്പിച്ചെന്ന എന്ഫോഴ്സ്മെന്റ് കേസിലും ശിവശങ്കറിന് ജാമ്യം ലഭിച്ചിട്ടുണ്ട്. ഡോളര് കടത്തിലും ജാമ്യം ലഭിച്ചാല് ശിവശങ്കറിന് ജയില് മോചിതനാകാം.
