പി.സി. ജോര്‍ജിനെ യു.ഡി.എഫില്‍ എടുക്കുന്നതിനെതിരെ കോണ്‍ഗ്രസിലും മുന്നണിയിലും വ്യാപക എതിര്‍പ്പ്. യൂത്ത് കോണ്‍ഗ്രസും യൂത്ത് ലീഗും പ്രതിഷേധം നേതൃത്വത്തെ അറിയിച്ചു കഴിഞ്ഞു. മുന്നണിയുടെ വിശ്വാസ്യത കൂടുതല്‍ ഇല്ലാതാക്കുന്നതാകും ജോര്‍ജുമായുള്ള ബന്ധം
എന്ന് ഇവര്‍ ചൂണ്ടിക്കാട്ടുന്നു. ജോര്‍ജിനെ ഒരിക്കലും വിശ്വസിക്കാനാവില്ലെന്നും ഇവര്‍ പറയുന്നു.
പൂഞ്ഞാറിലെ കോണ്‍ഗ്രസ്, ലീഗ് പ്രാദേശിക നേതൃത്വങ്ങള്‍. വിഷയം ചര്‍ച്ച ചെയ്യാന്‍ മുസ്ലിം ലീഗ് സംസ്ഥാന നേതാക്കള്‍ ഞായറാഴ്ച കോട്ടയത്ത് എത്തും. പി.സി. ജോര്‍ജിനെ യു.ഡി.എഫില്‍ എടുത്താല്‍ ഈരാറ്റുപേട്ടയിലെ കോണ്‍ഗ്രസിന്റെ മുഴുവന്‍ ബ്ലോക്ക്, മണ്ഡലം ഭാരവാഹികളും സ്ഥാനം രാജിവെക്കുമെന്ന് കോണ്‍ഗ്രസ് പൂഞ്ഞാര്‍ ബ്ലോക്ക് വൈസ് പ്രസിഡന്റ് നിസാര്‍ കുര്‍ബാനി പറഞ്ഞു.
”ജോര്‍ജിനെ എടുത്താല്‍ പൂഞ്ഞാര്‍ മാത്രമല്ല, കാഞ്ഞിരപ്പള്ളി, പാലാ ഉള്‍പ്പെടെ മണ്ഡലങ്ങളും നഷ്ടപ്പെടും. എതിര്‍പ്പ് നേതൃത്വത്തെ അറിയിച്ചിട്ടുണ്ട്. ഇക്കാര്യത്തില്‍ വിട്ടുവീഴ്ചയില്ല” -കുര്‍ബാനി പറഞ്ഞു. നിയമസഭ തെരഞ്ഞെടുപ്പില്‍ യു.ഡി.എഫിനൊപ്പം ചേര്‍ന്ന് പ്രവര്‍ത്തിക്കാനാണ് താല്‍പര്യമെന്ന് ജോര്‍ജ് വ്യക്തമാക്കിയിരുന്നു. കോണ്‍ഗ്രസ് നേതാക്കള്‍ ഔദ്യോഗികമായി പ്രതികരിച്ചിട്ടില്ല.
നേരത്തേയും പൂഞ്ഞാറിലെ കോണ്‍ഗ്രസ് മണ്ഡലം കമ്മിറ്റികള്‍ ജോര്‍ജ് വരുന്നതിനെ എതിര്‍ത്തിരുന്നു.
