തിരുവനന്തപുരം: സംസ്ഥാനത്ത് ലാബുകളിലെ കോവിഡ് പരിശോധന നിരക്കുകള് കുറച്ചു. ആന്റിജന് ടെസ്റ്റിന് പുതുക്കിയ നിരക്ക് 300 രൂപയാണ്. ആര്ടി-പിസിആര് ടെസ്റ്റിന് ഇനി മുതല് 1300 രൂപയാക്കി. എക്സ്പോര്ട്ട് നാറ്റ് ടെസ്റ്റ്-2500, ട്രൂനാറ്റ് ടെസ്റ്റ്-1500 രൂപ, ആര്ടി-ലാംപ്-1150 എന്നിങ്ങനെയാണ് പുതുക്കിയ നിരക്ക്.
അതേസമയം, നാല് ജില്ലകളില് കോവിഡ് വാക്സിന് ഡ്രൈ റണ് നടത്താന് തീരുമാനിച്ചു. തിരുവനന്തപുരം, വയനാട്, പാലക്കാട്, ഇടുക്കി ജില്ലകളിലാണ് ശനിയാഴ്ച്ച ഡ്രൈ റണ് നടത്തുന്നത്. തിരുവനന്തപുരത്ത് മൂന്ന് ആശുപത്രികളിലും മറ്റ് ജില്ലകളില് ഓരോ ആശുപത്രികളിലും ഡ്രൈ റണ് നടത്തും.
നേരത്തെ ആന്ധ്രപ്രദേശിലെ കൃഷ്ണ, ഗുജറാത്തിലെ രാജ്കോട്ട്, ഗാന്ധിനഗര്, ലുധിയാന, പഞ്ചാബിലെ ഷഹീന് ഭഗത് സിംഗ് നഗര് (നവന്ഷഹര്), അസമിലെ സോണിത്പുര്, നല്ബാരി എന്നീ ജില്ലകളില് ഡ്രൈ റണ് വിജയകരായി നടത്തിയിരുന്നു.
