ഡല്ഹി: പെരിയ ഇരട്ടക്കൊല കേസില് സര്ക്കാര് സമര്പ്പിച്ച ഹര്ജി സുപ്രീംകോടതി തളളി. കേസ് സിബിഐയ്ക്ക് വിട്ട ഹൈക്കോടതി ഉത്തരവ് സുപ്രീംകേടതി ശരിവെക്കുകയും ചെയ്തു. സംസ്ഥാന സര്ക്കാരിന്റെ പ്രധാനപ്പെട്ട വാദങ്ങളെല്ലാം കോടതി തള്ളിയിരുന്നു. കൂടാതെ കേസുമായി ബന്ധപ്പെട്ട രേഖകള് പോലീസ് ഉടന് തന്നെ സിബിഐക്ക് കൈമാറണമെന്നും അന്വേഷണം സുഗമമായി മുന്നോട്ട് പോകുന്നതിനുളള സഹകരണം നല്കണമെന്നും കോടതി പറഞ്ഞു.
പെരിയ ഇരട്ടക്കൊല കേസ് സിബിഐയ്ക്ക് കൈമാറണമെന്ന ഹൈക്കോടതി ഉത്തരവിനെതിരെയാണ് സംസ്ഥാന സര്ക്കാര് സുപ്രീംകോടതിയില് അപ്പീല് സമര്പ്പിച്ചത്. ഹൈക്കോടതി ഉത്തരവ് അടിയന്തരമായി സ്റ്റേ ചെയ്യണമെന്ന് ആവശ്യപ്പെട്ട് പ്രത്യേക അപേക്ഷയും നല്കിയിരുന്നു. കേസില് സമര്പ്പിച്ച കുറ്റപത്രം ഹൈക്കോടതി റദ്ദാക്കിയിട്ടില്ലാത്തത് ചൂണ്ടിക്കാട്ടിയായിരുന്നു സര്ക്കാര് സുപ്രീംകടതിയെ സമീപിച്ചത്.
എന്നാല് സര്ക്കാരിന്റെ അപ്പീലിനെതിരെ ശരത്ലാലിന്റെയും കൃപേഷിന്റേയും മാതാപിതാക്കള് സുപ്രീംകോടതിയില് തടസ്സ ഹര്ജി ഫയല് ചെയ്തിരുന്നു. ഇതിലാണ് കേസ് സിബിഐ തന്നെ അന്വേഷിക്കണമെന്ന് സുപ്രീംകോടതി ഉത്തരവിറക്കിയത്. സുപ്രീംകോടതി വിധിയെ സ്വാഗതം ചെയ്യുന്നുവെന്ന് ഇരുവരുടെയും കുടുംബം അറിയിച്ചു. കൂടാതെ വിധി ദൈവാനുഗ്രഹമെന്ന് കൊല്ലപ്പെട്ട ശരത് ലാലിന്റെ അച്ഛന് പ്രതികരിച്ചു.
