ന്യൂഡല്‍ഹി: എല്ലാ ബാങ്ക് അക്കൗണ്ടുകളും മാര്‍ച്ച് 31 ഓടെ ആധാറുമായി ബന്ധിപ്പിക്കണമെന്ന് ധനകാര്യമന്ത്രി നിര്‍മ്മല സീതാരാമന്‍. ധനകാര്യ ഉള്‍ച്ചേര്‍ക്കലിന്റെ ഭാഗമായാണിത്. ഇപ്പോഴും നിരവധി അക്കൗണ്ടുകള്‍ ആധാറുമായി ബന്ധിപ്പിച്ചിട്ടില്ലെന്നും നിര്‍മ്മല സീതാരാമന്‍ പറഞ്ഞു.
‘മാര്‍ച്ച് 31 ഓടേ എല്ലാ അക്കൗണ്ടുകളും പാനുമായി ബന്ധിപ്പിച്ചിരിക്കണം. അതേപോലെ തന്നെ സമാന കാലയളവില്‍ ആധാറുമായി ബന്ധിപ്പിക്കുന്നതിനുള്ള നടപടികളും പൂര്‍ത്തിയാക്കണം.’ – ബാങ്കുകളോട് നിര്‍മ്മല സീതാരാമന്‍ നിര്‍ദേശിച്ചു.
ഡിജിറ്റല്‍ പണമിടപാടുകളെ ബാങ്കുകള്‍ പ്രോത്സാഹിപ്പിക്കണം. ഡിജിറ്റല്‍ ഇതര പണമിടപാടുകളെ നിരുത്സാഹപ്പെടുത്തണം. യുപിഐ പോലുള്ള ഡിജിറ്റല്‍ പണമിടപാട് സംവിധാനങ്ങളെ പ്രോത്സാഹിപ്പിക്കണമെന്നും നിര്‍മ്മല സീതാരാമന്‍ പറഞ്ഞു.
