ആവേശകരവും രസകരവുമായ അക്വാ ചലഞ്ച് പ്രഖ്യാപിച്ച് ദുബായ് സ്‌പോര്‍ട്‌സ് കൗണ്‍സില്‍. മിഡില്‍ ഈസ്റ്റിലെ ആദ്യ അക്വാ ചലഞ്ച് ദുബൈ ഫിറ്റ്‌നസ് ചലഞ്ചിന്റെ രണ്ടാം ദിനമായ ഒക്‌ടോബര്‍ 31ന് ജുമൈറ ബീച്ചിലെ അക്വാഫണ്‍ വാട്ടര്‍പാര്‍ക്കില്‍ സംഘടിപ്പിക്കും.ലോകത്തിലെ ഏറ്റവും വലിയ കാറ്റുനിറച്ച വാട്ടര്‍പാര്‍ക്കാണ് അക്വാഫണ്‍. 50,000 സ്‌ക്വറയര്‍ ഫീറ്റ് വിസ്തീര്‍ണമുള്ള വാട്ടര്‍പാര്‍ക്കില്‍ 150 പേര്‍ക്ക് മാത്രമാണ് പ്രവേശനം അനുവദിക്കുക. ഇതിന്റെ രജിസ്‌ട്രേഷന്‍ ഓണ്‍ലൈനില്‍ ആരംഭിച്ചു(http://www.premieronline.com).
16 മുതല്‍ 60 വരെ വയസ്സുള്ളവര്‍ക്ക് പങ്കെടുക്കാം. പുരുഷ – വനിത വിഭാഗങ്ങളിലും മിക്‌സഡ് വിഭാഗത്തിലും മത്സരമുണ്ടായിരിക്കും. വൈകീട്ട് മൂന്ന് മുതലാണ് മത്സരം.സാമൂഹിക അകലം പാലിച്ചായിരിക്കും മത്സരം. അതിനാല്‍, ഒരേസമയം മൂന്നുപേരെ മാത്രമായിരിക്കും അനുവദിക്കുക. ലൈഫ് ജാക്കറ്റ് സംഘാടകര്‍ നല്‍കും. എന്നാല്‍, ടവല്‍, മാറാനുള്ള വസ്ത്രം എന്നിവ പങ്കെടുക്കുന്നവര്‍ കൊണ്ടുവരണം.
