തിരുവല്ല: കോവിഡ് ബാധിച്ച് മരിച്ച വീട്ടമ്മയുടെ മൃതദേഹം സംസ്കരിക്കാന് എംഎല്‍എ പിപിഇ കിറ്റണിഞ്ഞെത്തി. തിരുവല്ല എം എല്‍ എ മാത്യു ടി തോമസ് ആണ് കുറ്റപ്പുഴ അണ്ണവട്ടത്തില്‍ തോപ്പില്‍ വീട്ടില്‍ കുഞ്ഞമ്മ ജേക്കബിന്റെ (91) മൃതദേഹം സംസ്കരിക്കാന് എത്തിയത്. കോവിഡ് മാനദണ്ഡങ്ങള്‍ പാലിച്ചായിരുന്നു സംസ്കാരം.
കേരളത്തില്‍ ആദ്യമാണ് ഒരു എംഎല്‍എ കോവിഡ് ബാധിച്ച് മരിച്ച വ്യക്തിയുടെ സംസ്‌കാരത്തിന് നേതൃത്വം നല്‍കുന്നത്. ഡിവൈഎഫ്‌ഐ തിരുവല്ല ടൗണ്‍ നോര്‍ത്ത് മേഖല സെക്രട്ടറി പ്രതീഷ് രാജ്, മേഖല ട്രഷറര്‍ സുല്‍ഫി, വാരികാട് യൂണിറ്റ് ജോ:സെക്രട്ടറി മോനായി, സിപിഐഎം നോര്‍ത്ത് എല്‍ സി മെമ്പര്‍ താജുദീന്‍, പാലക്കോട്ട ബ്രാഞ്ച് മെമ്പര്‍ സിജു, എന്നിവരും എം എല്‍ എ യോടൊപ്പം അണ്ണ വട്ടം എബനേസര്‍ മാര്‍ത്തോമാ പള്ളി സെമിത്തേരിയില്‍ സംസ്‌കാരത്തിനുണ്ടായിരുന്നു.
