തിരുവനന്തപുരം: സംസ്ഥാനത്തെ തദ്ദേശ തെരഞ്ഞെടുപ്പ് മാറ്റിവയ്ക്കരുതെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന്. തദ്ദേശ സ്വയംഭരണ സ്ഥാപനത്തിലേക്കുളള തെരഞ്ഞെടുപ്പ് മാറ്റിവെയ്ക്കാനുളള തീരുമാനത്തോട് ബിജെപി പൂര്ണ്ണമായും വിയോജിക്കുന്നതായും സുരേന്ദ്രന് പറഞ്ഞു. തദ്ദേശ തെരഞ്ഞെടുപ്പ് നീട്ടിവയ്ക്കുന്നത് സംസ്ഥാനത്തെ വികസന പ്രവര്ത്തനങ്ങളെ ബാധിക്കുമെന്നും അദ്ദേഹം ചൂണ്ടിക്കാട്ടി.
അതേസമയം നാലു മാസത്തെ മാത്രം കാലാവധിക്കായി സംസ്ഥാനത്ത് അസംബ്ലി ഉപതെരഞ്ഞെടുപ്പുകള് ആവശ്യമില്ലന്നും സുരേന്ദ്രന് മാധ്യമങ്ങളോട് പറഞ്ഞു. എല്ഡിഎഫിനും യുഡിഎഫിനും പരാജയ ഭീതിയാണ്. സ്വര്ണ്ണ കള്ളക്കടത്ത് കേസും മയക്കുമരുന്ന് കേസും മുഖ്യമന്ത്രിയുടെ ഓഫീസിനെ പ്രതികൂട്ടിലാക്കിയതും പാര്ട്ടി സംസ്ഥാന സെക്രട്ടറിയുടെ മകനെ കേന്ദ്ര ഏജന്സികള് ചോദ്യം ചെയ്തതുമെല്ലാം സര്ക്കാരിന്റെ പ്രതിച്ഛായ തകര്ത്തിരിക്കുകയാണ്. സിപിഎമ്മിനും എല്ഡിഎഫിനും ജനവിശ്വാസം പൂര്ണ്ണമായും നഷ്ടപ്പെട്ടിരിക്കുകയാണെന്നും സുരേന്ദ്രന് കൂട്ടിച്ചേര്ത്തു.
കേണ്ഗ്രസ്സിനകത്തെ നേതൃത്വ പ്രശ്നങ്ങളും കേരള കോണ്ഗ്രസ്സ് മുന്നണിയില് നിന്നും വിട്ടു പോയതും യുഡിഎഫിനകത്തെ തമ്മലടിയുമാണ് യുഡിഎഫിന്റെ പരാജയഭീതിക്ക് കാരണം. ഉപതെരഞ്ഞെടുപ്പുകള് മാറ്റിവയ്ക്കണമെങ്കില് തദ്ദേശ തെരഞ്ഞെടുപ്പ് കൂടി മാറ്റിവയ്ക്കണമെന്ന യുഡിഎഫിന്റെ നിലപാട് വിചിത്രമാണെന്നും സുരേന്ദ്രന് പറഞ്ഞു.
ജനങ്ങളെ അഭിമുഖീകരിക്കാനുള്ള ഇരു മുന്നണികളുടെയും പ്രശ്നമാണ് തെരഞ്ഞെടുപ്പ് മാറ്റിവയ്ക്കണമെന്ന് ആവശ്യപ്പെടുന്നതിന് പിന്നില്. കോവിഡ് മാനദണ്ഡങ്ങള് പാലിച്ച് തെരഞ്ഞെടുപ്പ് നടത്താനുള്ള സംസ്ഥാന തെരഞ്ഞെടുപ്പ് കമ്മീഷന്റെ നിലപാടിനോടാണ് ബിജെപിക്ക് യോജിപ്പ്. സര്വ്വകക്ഷിയോഗത്തില് ശക്തമായ നിലപാട് ബിജെപി അറിയിക്കുമെന്ന് പറഞ്ഞ സുരേന്ദ്രന് തെരഞ്ഞെടുപ്പ് തീയതിയല്ല, രീതിയാണ് മാറ്റേണ്ടതെന്നും കൂട്ടിച്ചേര്ത്തു.
